မဲခေါင်၊ ဇန်နဝါရီ ၁၅
ရန်ကုန်တိုင်း၊ မြောက်ဒဂုံမြို့နယ် (၄၅) ရပ်ကွက်၊ စက်မှုလယ်ယာလမ်းမှာ ဆိုင်ကယ်တစ်စီးနဲ့ လုယက်မှုတွေ ကျူးလွန်နေတဲ့အမျိုးသား ၂ဦးကို ရပ်ကွက်နေပြည်သူတွေက ဝိုင်းဝန်းဖမ်းဆီးခဲ့တယ်လို့ ဒေသခံတစ်ဦးက ပြောပါတယ်။
ဒီနေ့ဇန်နဝါရီ ၁၅ရက်နေ့လည်၁၂ နာရီဝန်းကျင်လောက်မှာ လုယက်မှုတွေ ကျူးလွန်နေတဲ့ အမျိုးသား ၂ဦးက ဖုန်းနဲ့ပိုက်ဆံအိတ်ကိုလုယက်ဖို့ ကြိုးနေစဥ်မှာ ပြည်သူတွေက ဝိုင်းဝန်းဖမ်းဆီးခဲ့တာဖြစ်တယ်လို့ သူကပြောပါတယ်။
“ ခြေလက်အကောင်းကြီးနဲ့ ဘာမှလုပ်မစားချင်ဘူး။ အခုတစ်ကောင်က စက်မှုလယ်ယာလမ်းမှာမိတယ်။ နောက်တစ်ကောင်က ပြေးပေမယ့်ရဲစခန်းနားမှာ မိတယ်။ ခွေးသူတောင်း စားတွေကင်းပတ်နေပေမယ့် သူခိုးဂျပိုးတွေဆို မဖမ်းဘူး။ ခွေးနဲ့သူတောင်းစားတွေ ပေါင်းစားနေကြတာ။ ဒီကောင်တွေ ဆိုင်ကယ်လည်းလုတယ်လို့ ပြောတယ်” လို့ မျက်မြင်တွေ့သူတစ်ဦးက ပြောပါတယ်။
စစ်ကောင်စီအာဏာသိမ်းပြီးနောက်ပိုင်း အကျဥ်းထောင်တွေထဲက ခိုးဆိုးလုနှိုက်အများစုကို လွှတ်ပေးခဲ့ပြီး နေ့စဥ်လုယက်သတ်ဖြတ်မှုတွေရှိပေမယ့် ဖမ်းဆီးအရေးယူမှုတွေ မရှိသလို ပြည်သူတွေဖမ်းဆီးပေးတဲ့ တရားခံတွေကိုလည်း သတင်းပေးအဖြစ်မွေးမြူပြီး ပြန်လည်လွှတ်ပေးနေတယ်လို့ ဒေသခံတွေက ပြောပါတယ်။
မြောက်ဒဂုံ မြို့နယ်အတွင်း ဒီနေ့မနက်ပိုင်းက စစ်ကား၂စီး လူအင်အား၆ယောက်နဲ့ ဗထူးလမ်းနဲ့ဦးဝိစာရလမ်းပေါ်တွေမှာ လှည့်ကင်းပတ်နေတယ်လို့ ဒေသခံတွေက ပြောပါတယ်။
MK-005
#MeKongNews