မဲခေါင်၊ မတ် ၁၀
မွန်ပြည်နယ်၊ ရေးမြို့နယ်က စစ်ကောင်စီ တပ်စခန်း တစ်ခုကို ဒီကနေ့ မနက်ပိုင်းက တိုက်ခိုက်ခဲ့ရာ စစ်သား ၆ ဦး သေဆုံးတယ်လို့ ရေးဘီလူးအဖွဲ့က ထုတ်ပြန်ပါတယ်။
အရုတောင်ရွာနဲ့ စုံနံသာကျေးရွာကြားက အင်အား ၁၅ ဦးခန့်ရှိတဲ့ စစ်ကောင်စီတပ်စခန်းကို တိုက်ခိုက်ခဲ့တာ ဖြစ်ပြီး စစ်သား ၆ ဦး သေဆုံးတယ်လို့ ဆိုပါတယ်။
တိုက်ပွဲဖြစ်ပွားစဉ် စစ်ကောင်စီဘက်က လက်နက်ကြီးနဲ့ တောက်လျှောက် ပစ်ခတ်တာကြောင့် သေဆုံး စစ်သားတွေဆီက လက်နက် မသိမ်းနိုင်ဘဲ စခန်းကိုတော့ မီးရှို့ဖျက်ဆီးခဲ့တယ်လို့ ရေးဘီလူးက ဆိုပါတယ်။
ရေးဘီလူးအဖွဲ့ဟာ ရေးမြို့နယ်အတွင်း စစ်ကောင်စီတပ်တွေနဲ့ ထောက်တိုင်တွေကို တိုက်ခိုက်နေပြီး ကော့ကရိတ်၊ ကြာအင်းဆိပ်ကြီး မြို့နယ်တစ်ဝိုက် တိုက်ခိုက်နေတဲ့ Lion battalion commamdo စစ်ကြောင်း ခေါင်းဆောင် ဗျူဟာမှူး စောအယ်စေးဝါးနဲ့ ပြီးခဲ့တဲ့ ဇန်နဝါရီလက တွေ့ဆုံခဲ့ပါသေးတယ်။
MK-007
