မဲခေါင်၊ မတ် ၇
ရှမ်းပြည်နယ် တောင်ပိုင်းကို ရောက်နေတဲ့ အာဏာသိမ်း စစ်ကောင်စီ ခေါင်းဆောင် မင်းအောင်လှိုင် ဟာ ပအိုဝ်းအမျိုးသား အဖွဲ့ချုပ်/အသွင်ပြောင်း ပြည်သူ့စစ် (PNO/PNA) ခေါင်းဆောင် ဦးအောင်ခမ်းထီနဲ့ ဒီကနေ့ တွေ့ခဲ့တယ်လို့ မဲခေါင်သတင်းက စုံစမ်းသိရပါတယ်။
ရှမ်းတောင်ဘက်မှာ ပြည်သူ့ကာကွယ်ရေးတပ်တွေနဲ့ စစ်ကောင်စီ၊ PNO ပူးပေါင်းတပ်တွေ တိုက်ပွဲ ပြင်းထန်နေချိန် ပအိုဝ်း ကိုယ်ပိုင် အုပ်ချုပ်ခွင့်ရဒေသ ကျောက်တလုံးကြီးမြို့ရှိ ဦးအောင်ခမ်းထီ ရဲ့ နေအိမ်မှာ စစ်ခေါင်းဆောင်က သွားရောက် ဂါရဝပြု တွေ့ဆုံခဲ့တာပါ။
တောင်ကြီးမြို့ကနေ ကျောက်တလုံးကြီး သွားရာ လမ်းတစ်လျှောက် လမ်းကြိုလမ်းကြားပါ မကျန် စစ်တပ်က လုံခြုံရေးချထားပြီး မိတ္ထီလာဘက်က ရဟတ်ယာဉ် ၂ စီး တောင်ကြီးဘက်ကို မနေ့က လာတယ်လို့လည်း မျက်မြင်တွေ့ရသူတွေက ပြောပါတယ်။
စစ်ခေါင်းဆောင်ဟာ တောင်ကြီးမြို့ ရွှေဘုန်းပွင့်ဘုရားကို မနေ့ညနေက သွားခဲ့ပြီး Jasmine ဟိုတယ်မှာ တည်းခိုရာမှာ စစ်တပ် လုံခြုံရေး အပြည့်ချထားတယ်လို့ ဒေသခံတွေက မဲခေါင်သတင်းကို ပြောပါတယ်။
ခေတ်အဆက်ဆက် စစ်အာဏာရှင်တွေ တောင်ကြီးမြို့ ရောက်ရှိစဉ် မြို့အဝင်ရှိ အရှေ့ပိုင်းတိုင်း စစ်ဌာနချုပ် ဧည့်ဂေဟာမှာ တည်းခိုလေ့ ရှိပေမယ့် မင်းအောင်လှိုင် ကတော့ ဟိုတယ်မှာ တည်းခို ခဲ့ပါတယ်။
ဒီခရီးစဉ် အတွင်း စစ်ခေါင်းဆောင်နဲ့ PNO ခေါင်းဆောင် ဦးအောင်ခမ်းထီ ဘာတွေ ဆွေးနွေးလဲဆိုတာ စစ်ကောင်စီဘက်က မထုတ်ပြန်ထားသလို မဲခေါင်သတင်း အနေနဲ့ စုံစမ်းနေဆဲ ဖြစ်ပါဘူး။
ပြီးခဲ့တဲ့ ၂၀၁၈ ခုနှစ်ကလည်း မင်းအောင်လှိုင် ဟာ ဦးအောင်ခမ်းထီး ကို နေအိမ်မှာဂါရဝပြု တွေ့ဆုံခဲ့ပါသေးတယ်။
MK-007
