မဲခေါင်၊ ဖေဖော်ဝါရီ ၁၆
၂၀၂၂-၂၃ ပညာသင်နှစ်အတွက် တက္ကသိုလ်ဝင် စာမေးပွဲ ဖြေဆိုခွင့် ကတ်ပြားတွေကို ဖေဖော်ဝါရီ ၂၀ ရက်နေ့မှ စတင် ထုတ်ယူနိုင်ပြီး ထုတ်ယူရာမှာ အခက်အခဲရှိပါက သက်ဆိုင်မြို့နယ် ပညာရေးမှူးများနဲ့ မြန်မာနိုင်ငံ စာစစ် ဦးစီးဌာနထံ တိုက်ရိုက် မေးမြန်း နိုင်တယ်လို့ သိရပါတယ်။
မိမိဓာတ်ပုံ ကပ်ထားတဲ့ ခုံအမှတ်စဉ်ပါတဲ့ ဖြေဆိုခွင့်ကတ်ပြားကို တိုင်းနဲ့ပြည်နယ်များရှိ စာစစ်ဌာန အသီးသီးမှာ တက္ကသိုလ်ဝင်တန်း ဖြေဆိုမယ့် ကျောင်းသား၊ ကျောင်းသူများမှ သွားရောက် ထုတ်ယူရမှာ ဖြစ်တယ်လို့ မြန်မာနိုင်ငံ စာစစ်ဦးစီးဌာနက ဖေဖော်ဝါရီ ၁၅ ရက်နေ့မှာ သတင်းထုတ်ပြန်ထားပါတယ်။
ကတ်ထုတ်ယူရာမှာ အခြေခံပညာ အထက်တန်းကျောင်း၊ အခြေခံပညာ အထက်တန်းကျောင်း (ကျောင်းခွဲ၊ တွဲဖက်)၊ ကိုယ်ပိုင်အထက်တန်းကျောင်းများမှ ဝင်ရောက်ဖြေဆိုကြမယ့် ကျောင်းသား၊ ကျောင်းသူများရဲ့ ဖြေဆိုခွင့်ကတ်တွေကို သက်ဆိုင်ရာ ကျောင်းအုပ်ထံမှာ ထုတ်ယူနိုင်တယ်လို့ သိရပါတယ်။
ပြင်ပဖြေဆို ကျောင်းသား ကျောင်းသူတွေ အနေနဲ့ သက်ဆိုင်ရာ မြို့နယ် စာစစ်ဌာန ကြီးကြပ်ရေးမှူးများထံမှာ သွားရောက် ထုတ်ယူနိုင်တယ်လို့ မြန်မာနိုင်ငံ စာစစ်ဦးစီးဌာနက ထုတ်ပြန်ထားပါတယ်။
MK-005
#MeKongNews
#တက္ကသိုလ်ဝင်တန်း
#မြန်မာနိုင်ငံစာစစ်ဦးစီးဌာန
#ဖြေဆိုခွင့်ကတ်
