မဲခေါင်၊ ဇန်နဝါရီ ၁၉
ကချင်ပြည်နယ်၊ ဗန်းမော်မြို့၊ ကသာမြို့နယ်၊ မိုးတားအုပ်စု၊ မိုးတားလေးကျေးရွာနဲ့ တိုက်ကုန်းကျေးရွာကို စစ်တပ်က လေကြောင်းကနေ ဗုံးကြဲ တိုက်ခိုက်ခဲ့ရာ ပြည်သူ ၇ ဦးသေဆုံးပြီး ၈ ဦး ဒဏ်ရာရခဲ့တယ်လို့ အမျိုးသား ညီညွတ်ရေး အစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန၊ ပြည်သူ့ရဲတပ်ဖွဲ့က ဒီကနေ့ ထုတ်ပြန်ပါတယ်။
မနေ့က ညနေ ၄ နာရီ ၅ မိနစ်ခန့်မှာ ဗန်းမော်မြို့မှ ကသာမြို့နယ်၊ မိုးတားအုပ်စု၊ မိုးတားလေးကျေးရွာသို့ ပျံသန်းလာတဲ့ စစ်ကောင်စီရဲ့ JECT FIGHTER လေယာဉ် တစ်စီးဟာ မိုးတားလေးကျေးရွာ၊ စေတီရပ်နဲ့ မိုးတားအုပ်စု၊ တိုက်ကုန်းကျေးရွာရှိ ပြည်သူတွေရဲ့ နေအိမ်တွေပေါ်သို့ ဗုန်းကြဲ တိုက်ခိုက်ခဲ့တာလို့ သိရပါတယ်။
စစ်တပ်က ဂျက်ဖိုက်တာတွေနဲ့ ဗုံးကြဲ တိုက်ခိုက်ခဲ့ရာမှာ ပြည်သူ ၇ ဦး သေဆုံးပြီး ထိခိုက်ဒဏ်ရာ ရသူ ၈ ဦးရှိတယ်လို့ သိရပါတယ်။
ဒါ့အပြင့် နေအိမ် ၅ လုံး မီးလောင်ပြီး နေအိမ် ၁၈ လုံး ပျက်စီးဆုံးရှုံး ခဲ့ရတယ်လို့လည်း ဖော်ပြထားပါတယ်။
စစ်တပ်ရဲ့ လေကြောင်း တိုက်ခိုက်မှုကြောင့် စေတီရပ်၊ တိုက်ကုန်းကျေးရွာတွေပေါ် ဗုံးကျခဲ့တယ်လို့လည်း ဖော်ပြထားပါတယ်။
MK-003
