မဲခေါင်၊ ဖေဖော်ဝါရီ ၂၃
စစ်ကောင်စီစိတ်ကြိုက် ကျင်းပခဲ့သည့် ရွေးကောက်ပွဲများ အပြီးတွင် ပြည်သူ့လွှတ်တော်အပါအဝင် လွှတ်တော် ၃ရပ် ပထမပုံမှန်အစည်းအဝေးကို ၂၀၂၆ ခုနှစ် မတ်လ ၁၆ ရက်၊ ၁၈ရက်နှင့် ၂၀ ရက်များတွင် စတင်ကျင်းပမည်ဖြစ်ကြောင်း စစ်ကောင်စီက ကြေညာသည်။
တတိယအကြိမ် အမျိုးသားလွှတ်တော်ကို မတ်လ ၁၈ရက်နှင့် ပြည်သူ့လွှတ်တော်ကို မတ်လ ၁၆ရက်၌ နေပြည်တော်၊ တိုင်းနှင့်ပြည်နယ်ဒေသကြီးလွှတ်တော်များကို မတ်လ ၂၀ ရက်တွင် သက်ဆိုင်ရာ ဒေသများ၌ ကျင်းပမည်ဖြစ်ကြောင်း အာဏာသိမ်း စစ်ကောင်စီ အမျိုးသားကာကွယ်ရေးနှင့်လုံခြုံရေးကောင်စီက ဆိုသည်။
စစ်ကောင်စီ၏ လွှတ်တော်အစည်းအဝေးများ တက်ရောက်ရန်အတွက် ပြည်သူ့လွှတ်တော်ကိုယ်စားလှယ်များသည် မတ်လ ၁၀ ရက်မှ ၁၁ ရက်အတွင်း၊ အမျိုးသားလွှတ်တော်ကိုယ်စားလှယ်များသည် မတ်လ ၁၂ ရက်မှ ၁၃ ရက်အတွင်း၊ တိုင်းဒေသကြီး သို့မဟုတ် ပြည်နယ်လွှတ်တော်ကိုယ်စားလှယ်များသည် မတ်လ ၁၄ ရက်မှ ၁၅ ရက်အတွင်း သက်ဆိုင်ရာ လွှတ်တော်ရုံးများသို့ သတင်းပို့ရမည်ဖြစ်ကြောင်း ဆိုသည်။
လွှတ်တော်များခေါ်ယူရာ၌ ပြည်သူ့လွှတ်တော်ကို ဦးတီခွန်မြတ်၊ အမျိုးသားလွှတ်တော်နှင့် တိုင်းနှင့်ပြည်နယ်ဒေသကြီးလွှတ်တော်များကို အောင်လင်းဒွေးက လက်မှတ်ရေးထိုး ခေါ်ယူခြင်းဖြစ်သည်။
Photo – AFP
#MeKongNews
#စစ်ကောင်စီ
#အတုအယောင်ရွေးကောက်ပွဲ
#လွှတ်တော်
#နေပြည်တော်
#တီခွန်မြတ်
