– ဦးဝင်းနိုင် (မိုးလေဝသပညာရှင်)

ပင်လယ်ပြင်မှ ထူးခြားမိုးလေဝသအခြေအနေများကြောင့် မြန်မာနိုင်ငံအပေါ်သက်ရောက်မှု မရှိပါ။

· အိန္ဒိယသမုဒ္ဒရာတောင်ဘက်ခြမ်းတွင် အားကောင်းသောဆိုင်ကလုန်းမုန်တိုင်း DUDZAI (14S) ဖြစ်ပေါ်နေပြီး ဇန်နဝါရီ ၁၆ ရက် ညပိုင်းတွင် “အားအလွန်ကောင်းသော CATEGORY-4 ဆိုင်ကလုန်းမုန်တိုင်း – Very Intense Tropical Cyclone” အဆင့် သို့ရောက်ရှိလာနိုင်ကာ နောက်လာမည့် ၃၆ နာရီအထိ CAT-4 အဆင့်ဆိုင်ကလုန်းမုန်တိုင်းအဖြစ် ဆက်လက်ရှိနေနိုင်ပါတယ်။

· ပစိဖိတ်သမုဒ္ဒရာအနောက်မြောက်ပိုင်း၊ ဖိလစ်ပိုင်နိုင်ငံအရှေ့ဘက်ပင်လယ်မှ အပူပိုင်းမုန်တိုင်း NOKEAN(ဖိလစ်ပိုင်အမည် ADA) သည် ဖိလစ်ပိုင်နိုင်ငံကို ဖြတ်ကျော်တိုက်ခတ်ပြီး တောင်တရုတ်ပင်လယ်သို့ ဝင်ရောက်လာနိုင်ခြင်းမရှိတော့ပဲ အရှေ့ဖိလစ်ပိုင်ပင်လယ်အတွင်း ဇန်နဝါရီလ ၂၁ ရက် နေ့လည်ပိုင်းမှာ လေဖိအားနည်းရပ်ဝန်းအဖြစ် အားပျော့သွားနိုင်ပါတယ်။

· ဩစတေးလျှတိုက်အနီး မြောက်ဘက်ပင်လယ်ပြင်တွင် စောင့်ကြည့်ရမည့် လေပွေလှိုင်း 96S နှင့် 97S တို့ဖြစ်ပေါ်နေပြီး နောက်လာမည့် ၂၄ နာရီအတွင်း မုန်တိုင်းအဆင့်ရောက်လာနိုင်သည့် အခြေအနေ LOW အဆင့်တွင်ရှိနေပါတယ်။ ကမ္ဘာ့တောင်ဘက်ခြမ်းနှင့် မြောက်ဘက်ခြမ်းတို့တွင် ဖြစ်ပေါ်နေသည့် မုန်တိုင်းများသည် မြန်မာနိုင်ငံအပေါ်သက်ရောက်မှု လုံးဝရှိနိုင်မည်မဟုတ်ပါ။

ယခု ၁ ပတ်အတွင်း ရှမ်းပြည်တွင် မိုးရွာသွန်းနိုင်မည့်အခြေအနေ

· ရှမ်းပြည်အတွင်း နေ့အပူချိန်(အမြင့်ဆုံးအပူချိန်)များအနည်းငယ်တိုးလာပြီး၊ နံနက်အစောပိုင်းနှင့် ညအပူချိန်များအနည်းငယ်ပြန်လည်မြင့်တက်ကာ အအေးပေါ့လာနိုင်ပါတယ်။

· ရှမ်းပြည်မြောက်ပိုင်းနှင့်တောင်ပိုင်းဒေသများမှာ အနိမ့်ဆုံးအပူချိန် ၁၀°C အောက်တွင် ဆက်လက်ရှိနေနိုင်ပြီး ရှမ်းပြည်အရှေ့ပိုင်းတွင် ၁၀°C အထက်၊ ၁၅°C ဝန်းကျင်ရှိနေနိုင်ပါမယ်။

အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုအခြေအနေ

· ယခု ၁ ပတ်အတွင်း – ရှမ်းပြည်မြောက်ပိုင်း-လားရှိုးမြို့မှာ အမြင့်ဆုံးနေ့အပူချိန် ၂၅°C ရှိနိုင်ပြီး အနိမ့်ဆုံးညအပူချိန် ၉°C အထိကျဆင်းနိုင်ပါတယ်။ မူဆယ်မြို့မှာ အမြင့်ဆုံးနေ့အပူချိန် ၂၃°C နှင့် အနိမ့်ဆုံးအပူချိန် ၆°C ရှိနိုင်ပါမယ်။

· ရှမ်းပြည်တောင်ပိုင်း(တောင်ကြီးမြို့)မှာ အမြင့်ဆုံးနေ့အပူချိန် ၂၄°C နှင့် အနိမ့်ဆုံးညအပူချိန် ၈°C အထိရှိနိုင်ပါတယ်။ အင်းလေးဒေသ ခေါင်တိုင်၊ မိုင်းသောက်၊ အင်းပေါခုံ၊ ရွာမ စသည့်ဒေသများတွင် အမြင့်ဆုံးအပူချိန် ၂၈°C နှင့် အနိမ့်ဆုံးအပူချိန် ၇°C ရှိနိုင်ပြီး၊ နံနက်အစောပိုင်း အချိန်များမှာ တိမ်အနိမ့်များဖြစ်ထွန်းပြီး မြူဆိုင်းနိုင်ပါမယ်။

· ရှမ်းပြည်အရှေ့ပိုင်း တာချီလိတ်မြို့နယ်မှာ အမြင့်ဆုံးနေ့အပူချိန် ၃၀°C ရှိနိုင်ပြီး အနိမ့်ဆုံးညအပူချိန် ၁၀°C ခန့် ရှိနိုင်ပါတယ်၊ ဇန်နဝါရီ ၂၀ ရက် မှ ၂၃ ရက်အထိ တိမ်အနည်းငယ်ဖြစ်ထွန်းနိုင်ပါမယ်။

· ကျိုင်းတုံမြို့နယ်မှာ ဇန်နဝါရီ ၂၁ ရက် မှ ၂၃ ရက် အတွင်း တိမ်အနိမ့်များဖြစ်ထွန်းပြီး၊ အမြင့်ဆုံးနေ့အပူချိန် ၂၇°C နှင့် အနိမ့်ဆုံးညအပူချိန် – (ဇန်နဝါရီ ၁၉/၂၀ ရက်နေ့တွေမှာ အအေးဆုံး) ၈°C ရှိနိုင်ပါတယ်။

· ရှမ်းပြည်တခွင်မှာ ယခု ၁ ပတ်အတွင်း အမြင့်ပေ ၁၀,၀၀၀ အထက်တွင် အနောက်မြောက်ဘက်မှ လေတိုက်နှုန်း တနာရီ မိုင် ၃၀ ခန့်ရှိပြီး၊ အဲ့ဒီအမြင့်မှာ အပူချိန် ၄°C အထိ ရှိနေနိုင်တာကြောင့် နံနက်အစေပိုင်းနှင့် ညဘက်အချိန်များမှာ အအေးဓါတ် ဆက်လက်လွှမ်းခြုံနေနိုင်ပါဦးမယ်။

· ရှမ်းပြည်တခုလုံး၏ နေ့လည်ပိုင်းလေထုစိုထိုင်းဆ ၂၀% မှ ၃၀% ခန့်ရှိနိုင်ပြီး၊ ညနေပိုင်း/ညပိုင်းနဲ့ မနက်အစောပိုင်းအချိန်တွေမှာ ၆၀%မှ ၇၀% အထိ ရှိနိုင်ပါတယ်။

· နေ့လည်ပိုင်းလေထုစိုထိုင်းဆမြင့်မားတဲ ဒေသတွေမှာ ခံစားရတဲ့အပူချိန်အမြင့်ဆုံး (Feels Like Temperature) က ၂၆°C ခန့်ရှိနေနိုင်ပါမယ်။

· ရှမ်းပြည်တောင်ပိုင်း တောင်ကြီးမြို့နှင့် အရှေ့ပိုင်းက လားရှိုးမြို့များရဲ့ လေထုညစ်ညမ်းမှုအခြေအနေ (AQI Value) သည် 110 ရှိနိုင်ပြီး၊ ရှမ်းပြည်အရှေ့ပိုင်း တာချီလိတ်မှာ 160 ရှိနိုင်တာကြောင့် လေထုညစ်ညမ်းမှုသည် အသက်ရှုလမ်းကြောင်းဆိုင်ရာ ကျန်းမာရေးမကောင်းသူများ သတိပြုရမည့် လေထုညစ်ညမ်းမှုအညွှန်းကိန်း ဖြစ်ပါတယ်။

မြေဆီလွှာစိုထိုင်းဆနှင့် မြေဆီလွှာရေဓါတ်ပါဝင်နှုန်းအခြေအနေ

· ရှမ်းပြည်တောင်ပိုင်းနှင့် မြောက်ပိုင်းတို့ရဲ့ ပျမ်းမျှမြေဆီလွှာစိုထိုင်းဆသည် မြေအောက်အနက် ၄၀ စင်တီမီတာ(၁၆ လက်မခန့်)တွင် ၉% နှင့် မြေအောက်အနက် ၁၀၀ စင်တီမီတာ(လက်မ ၄၀ ခန့်)တွင် ၁၈% ခန့် ရှိနိုင်ပါတယ်။ ရှမ်းပြည်အရှေ့ပိုင်းဒေသတွေမှာ မြေအောက်အနက် ၄၀ စင်တီမီတာ(၁၆ လက်မခန့်) တွင် ၁၀% နှင့် မြေအောက်အနက် ၁၀၀ စင်တီမီတာ(လက်မ ၄၀ ခန့်)တွင် ၁၉% ခန့် ရှိနိုင်ပါတယ်။

· ရှမ်းပြည်မြောက်ပိုင်းနှင့် တောင်ပိုင်းတို့ရဲ့ မြေဆီလွှာအတွင်းရေဓါတ်ပါဝင်နှုန်းသည် ယခုတပတ်အတွင်း နှစ်စဉ်ဖြစ်မြဲအောက် 3.2mm ခန့် လျော့နည်းနေနိုင်ပြီး ရှမ်းပြည်အရှေ့ပိုင်းဒေသတွေမှာ မြေဆီလွှာအတွင်းရေဓါတ်ပါဝင်နှုန်း သည် နှစ်စဉ်ဖြစ်မြဲအောက် 7.1mm ခန့် လျော့နည်းနိုင်ပါတယ်။

ရှမ်းပြည်အတွက် ၄ ရက် ကြိုတင် မိုးလေဝသအခြေအနေများကြည့်ရန် – https://www.mmweather.org/divisional-cities-weather/shan-state

#MeKongNews
#ရှမ်းပြည်
#မိုးလေဝသခန့်မှန်းချက်
#ဦးဝင်းနိုင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)