မဲခေါင်၊ သြဂုတ် ၁၅
ဆီဆိုင်နယ်အတွင်း အခြားမဟာမိတ်များနှင့်အတူ ပူးပေါင်းတိုက်ပွဲ ဝင်နေသည့် ရှမ်းတောင် အမှတ် ၁၀၀၅ PDF တပ်ရင်းက တိုက်ပွဲအတွင်း PNO စစ်သုံ့ပန်းတစ်ဦးကို လက်နက်နှင့်အတူ ဖမ်းမိကြောင်း သြဂုတ်လ၁၄ရက် ညပိုင်းက ထုတ်ပြန်ထားသည်။
ယင်းထုတ်ပြန်ချက်တွင် အမှတ် ၁၀၀၅ တပ်ရင်း၊ ရှမ်းတောင်နှင့် မဟာမိတ်ပူးပေါင်းတပ်ရင်းများ လှုပ်ရှားနေသော ရှမ်းပြည်တောင်ပိုင်း၊ ပအိုဝ်းဒေသ၊ ဆီဆိုင်နယ်အတွင်းရှိ ကျေးရွာများထဲသို့ သြဂုတ်လ ၆ရက်နေ့မှ စပြီး စစ်ကောင်စီနှင့် ၎င်း၏လက်အောက်ခံ PNO ပြည်သူ့စစ်တို့မှ အင်အားအလုံးအရင်းဖြင့် စစ်ကြောင်းထိုးလာ၍ နှစ်ဖက်ထိတွေ့ တိုက်ပွဲဖြစ်ပွားခဲ့သည်ဟု ဆိုသည်။
“အင်အား၂၀၀ ကျော်နှင့် စစ်ကြောင်းထိုးလာတာပါ။ လက်နက်ကြီးတွေ၊ ဒရုန်း၊ လူအင်အား အဆမတန်သုံးလာလို့ ကာကင်းတချို့ ပြန်ဆုတ်ပေးခဲ့ရတာပါ။ ကောင်ထိုကျေးရွာ အနီးတစ်ဝိုက်က စစ်ရှောင်တဲတွေကို မီးရှို့သွားပါတယ်” ဟု ၁၀၀၅ တပ်ရင်းမှူး မိုကီက မဲခေါင်သို့ ပြောသည်။
တိုက်ပွဲအတွင်း စစ်ကောင်စီဖက်မှ အင်အား၂၀ ခန့်ကျဆုံးခဲ့ပြီး စစ်သုံ့ပန်းတစ်ဦးကို လက်နက်နှင့် အတူ အရှင်ဖမ်းဆီးရမိခဲ့ပြီး ၎င်းကို ထိန်းသိမ်းထားသည်ဟု ၁၀၀၅ တပ်ရင်းက ပြောသည်။
စစ်ကောင်စီဘက်မှ လက်နက်ကြီး၊ ဒရုန်း အဆမတန် အသုံးပြုပြီး ထိုးစစ်ဆင်မှုကြောင့် အမှတ် ၁၀၀၅ တပ်ရင်း၊ ရှမ်းတောင် မှ ရဲဘော် ၂ဦး၊ မဟာမိတ်တပ်ဖွဲ့များမှ ရဲဘော် ၄ဦးတို့ ဒဏ်ရာအနည်းငယ်ရရှိခဲ့သည်ဟု ထုတ်ပြန်ချက်တွင် ပါရှိသည်။
မဟာ
#MeKongNews
#၁၀၀၅တပ်ရင်း
#ဆီဆိုင်ဒေသ
#စစ်ကောင်စီ
#PNO
#စစ်သုံ့ပန်း
