မဲခေါင်၊ ဇူလိုင် ၂၈

တောင်ကျရေ ရုတ်တရက်ဆင်းလာသည့်အတွက် ပင်းတယမြို့နယ်အတွင်းရှိ ကျေးရွာတချို့တွင် လူအချို့မျောပါသေဆုံးကာ စိုက်ခင်းများလည်း ပျက်စီးသွားကြောင်း ဒေသခံများထံမှာ သိရသည်။

ပင်းတယမြို့နယ်အတွင်းရှိ ကုန်းစောင်းရွာ၊ သိမ်ကုန်းရွာနှင့် ရွှေပုထိုးရွာတို့တွင် ဇူလိုင်လ ၂၇ ရက် ည ၁၂ နာရီကျော်၌ တောင်ကျရေ ရုတ်တရက်ထိုးဆင်းလာခြင်း ဖြစ်သည်။

“ကုန်းစောင်းက လူအသေအပျောက်ရှိတယ်။ ၆ လောင်း တွေ့ထားတယ်။ ကလေးတစ်ဦးလည်း ပျောက်နေတယ်။ သိမ်ကုန်းကတော့ စိုက်ခင်းအများဆုံး ပျက်စီးတယ်။ ရွှေပုထိုး၊ ကုန်းစောင်း၊ သိမ်ကုန်း အဲဒီတကြောပဲ” ဟု ဒေသခံတစ်ဦးက ပြောသည်။

လက်ရှိတွင် ကယ်ဆယ်ရေးလုပ်ငန်းများ ဆက်လက်လုပ်ဆောင်နေဆဲဖြစ်ကြောင်း သိရသည်။

ဇူလိုင်လ ၂၇ ရက် ည ၁၁ နာရီခန့်မှ စပြီး ရှမ်းပြည်တလွှားတွင် ရုတ်တရက်ချောင်းရေမြင့်တက်ခြင်း၊ တောင်းကျချောင်းရေဆင်းခြင်းတို့ ဖြစ်ပေါ်ခဲ့ပြီး ထိခိုက်ပျက်စီးမှုများ၊ လူသေဆုံးမှုများ ရှိနေသည်။

#MeKongNews
#တောင်ကျရေ
#ရေကြီးရေလျှံ
#ပင်းတယ
#ကုန်းစောင်းရွာ
#သိမ်ကုန်းရွာ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)