မဲခေါင်၊ ဇူလိုင် ၄
စစ်ကောင်စီတပ် ဝင်ရောက်တပ်စွဲထားသည့် ဖယ်ခုံအရှေ့ဖက်ခြမ်းရှိ နန်းတုတ်ရွာမျ စစ်ဘေးရှောင်ပြည်သူများကို ၁၀ ရက်အတွင်းနေရပ်ပြန်နေကြရန် PNO က ယူနေပြီး ၁၀ ရက်အတွင်းပြန်မနေပါက နောက်ပိုင်းပြန်မလာရဟု အမိန့်ထုတ် အကြပ်ကိုင်နေကြောင်း ဒေသခံများထံက သိရသည်။
စစ်ကောင်စီ၏ထိုးစစ်ကြောင့် ဖယ်ခုံအင်းအရှေ့ဘက်ကမ်းမှ ဆောင်နန်းခဲ ၊ လွယ်ပေါ ၊ နန်းပေါ်လုံ ၊ နမ်းစုမ့်၊ ပိန္နဲကုန်း၊ ရေပူ၊ ညောင်လေးပင်၊ နန်းတုတ်၊ ကုန်းသာ၊ တောင်ပို့ကွဲ၊ ဟိုပန်(ရှေ့)၊ ဟိုပန်(နောက်)၊ လဟယ်၊ မခေခမ်း၊ တောင်ပို့ကြီး စသည့် ကျေးရွာ ၁၅ ရွာမှ ဒေသခံများ ထွက်ပြေးတိမ်းရှောင်ခဲ့ကြပြီး ကျေးရွာများတွင် အစောင့် စတချို့သာ ကျန်ခဲ့ချိန်တွင် PNO မှ ယခုလို အမိန့်ထုတ်ခေါ်နေခြင်းဖြစ်သည်။
ကျေးရွာသားများအနေဖြင့် နေရပ်သို့ ပြန်ပါက PNO ၏ အနိုင်ကျင့် ခိုင်းစေမှုများကို ကြုံရမည်ဆိုးသည့်အတွက် မပြန်လိုကြကြောင်း ဒေသခံများထံမှ သိရသည်။
“သူတို့က အိမ်တွေပေါ်တက်နေပြီး လုပ်ချင်သလိုလုပ်နေကြတာ၊ ပြန်လာရင် သူတို့ အခိုင်းခံ နှိပ်စက်ခံဖြစ်မယ်။ မပြန်ရင်လည်း အိမ်အပြီးသိမ်းပြီး ပေးချင်တဲ့သူပေးပစ်မယ် ပြောနေတာ”ဟု နန်းတုတ်ရွာမှ စစ်ရှောင်တစ်ဦးကို မဲခေါင်မှ ဇူလိုင်၃ရက် ဆက်သွယ်မေးမြန်းချက်အရ သိရသည်။
၎င်းအပြင် ယင်းနန်းတုတ်ရွာအနီးရှိ မဆွမ့်ခွန် (ကုန်းသာ) ရွာမှ နေရပ်ပြန်ပြည်သူများကို ရွာအတွင်းတစ်အိမ်မှတစ်အိမ် ကူးသန်း အလည်အပတ်သွားရောက်ခြင်းမပြုရဟု PNO များက အမိန့်ထုတ်ထားပြီး ခြံ၊ လယ်သွားခြင်းနှင့် ငါးဖမ်းခြင်းများကိုပါ တားမြစ် ပိတ်ပင်ထားကြောင်း ဒေသခံများထံမှ သိရသည်။
ဖယ်ခုံမြို့ နေရာအများအပြားကို စစ်ကောင်စီက ပြန်လည်သိမ်းယူထားကြောင်း ရှမ်းတောင်(ကယား)ကရင်နီတပ်ပေါင်းစုက ဇူလိုင်လ ၂ရက်တွင် သတင်းထုတ်ပြန်လာချိန်တွင် PNO က ယခုကဲ့သို့ အကြပ်ကိုင်ခေါ်ယူနေခြင်းဖြစ်သည်။
ပြီးခဲ့သည့် ဇွန်လ ၁၆ ရက်နေ့မှစ၍ ဖယ်ခုံအရှေ့ဘက်ကမ်းမှ ဒီးမော့ဆို ဘက်သို့ ထွက်ပြေးခိုလှုံလာသည့် စစ်ရှောင်လေးသောင်းဝန်းကျင်ရှိနေပြီး အခြေခံ လိုအပ်ချက်၊ လူနားချင်းစာနာထောက် ထားမှု အကူအညီတွေ ရရှိရန် ကရင်နီပြည်ကြား ကာလအုပ်ချုပ်ရေးကောင်စီ IEC က ဖိတ်ခေါ်ထားသည်။
လက်ရှိတွင် စစ်ကောင်စီနှင့် PNO တို့ အင်အားအများအပြားဖြင့် မိုးဗြဲမြို့ ရှိ ပြည်သူ့အိုးအိမ်အများအပြားကို မီးရှို့နေကြောင်း တော်လှန်ရေးသတင်းအရင်းအမြစ်များထံက သိရသည်။
မဟာ
#MeKongNews
#နန်းတုတ်ရွာ
#PNO
#ဖယ်ခုံအင်း
#ဖယ်ခုံမြို့နယ်
#စစ်ဘေးရှောင်
