မဲခေါင်၊ ဇွန် ၃

ရှမ်းပြည်တောင်ပိုင်း၊ လွိုင်လင်မြို့နယ်၊ ပင်လုံမြို့ရှိ မြို့လယ်ရေကန်ထဲတွင် ငါးများ ဇွန်လ ၂ရက်က အစုအပြုံလိုက်သေဆုံးကြောင်း သိရသည်။

ယမန်နေ့ ဇွန်လ ၂ ရက် နံနက်ပိုင်းတွင် ပင်လုံမြို့ရှိ မြို့လယ် ရေကန်ထဲတွင် ငါးများအစုလိုက် အပြုံလိုက် သေဆုံးမှုဖြစ်ပွားနေတာကို ဒေသခံများ မနက်အစောပိုင်းအချိန်တွင် မြင်တွေ့ခဲ့ရခြင်းဖြစ်သည်။

“ငါးအကောင် တစ်ထောင်ကျော်မယ်။ ငါးလုပ်ငန်းဦးစီးဌာနက စစ်ဆေးကြည့်တာ အဆိပ်မိတာလို့ ပြောတယ်။ ရေမကောင်းလို့ မဟုတ်ဘူး။ စည်ပင်က ငါးတွေဆယ်ပြီး ​မြုပ်ပြီးပြီ” ဟု ပင်လုံမြို့ခံတစ်ဦးကပြောသည်။

ငါးများ အဆိပ်မိသေဆုံးရသည့် ကိစ္စနှင့်ပတ်သက်ပြီး အသေးစိတ် စစ်ဆေးမှုတွေ ဆက်လက်လုပ်ဆောင်နေသည်ဟုလည်း သိရသည်။

#MeKongNews
#ပင်လုံမြို့
#ငါးအဆိပ်သင့်
#ငါးလုပ်ငန်းဦးစီး
#လွိုင်လင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)