မဲခေါင်၊ ဇန်နဝါရီ ၁၇
ရှည်းပြည်အတွင်းအပါအဝင် ရှမ်းပြည်ကနေ ထိုင်းနိုင်ငံ၊ ရှမ်းပြည်ကနေ ရန်ကုန်ဘက်ကိုပို့ဆောင်မယ့် မူးယစ်ဆေးဝါးမျိုးစုံသယ်ဆောင်သူနဲ့ ရောင်းချသူတွေကို စစ်ကောင်စီရဲ့ မူးယစ်ဆေးဝါးတားဆီးနှိမ်နင်းရေးအဖွဲ့က အခုနှစ်၊ ဇန်နဝါရီ ၁ ရက်ကနေ ၉ ရက်အထိ ၁၆ ကြိမ် ဖမ်းမိကြောင်း သူတို့ရဲ့နေ့စဉ်သတင်းတွေအရ သိရပါတယ်။
ဇန်နဝါရီ ၁ ရက်မှာကျပ် ၁ ဒဿမ ၃၆၅ တန်ဖိုး၊ ၃ ရက်မှာသုံးကြိမ်ဖမ်းမိရာ ကျပ်၂၈ သန်းဖိုး၊ ကျပ် ခုနှစ်သိန်းဖိုးနဲ့ကျပ် ၁၆၀၇ တန်ဖိုး၊ ၄ ရက်နဲ့ ၅ ရက်မှာ နှစ်ကြိမ်ဖမ်းမိရာမှာ ကျပ် ၆၅၀၀ တန်ဖိုး၊ ၆ ရက်မှာနှစ်ကြိမ်ဖမ်းမိရာ ကျပ် ၂၅၃ သိန်းတန်ဖိုးနဲ့ ၇၂ သိန်းတန်ဖိုး၊ ၇ ရက်မှာ နှစ်ကြိမ်ဖမ်းမိရာ ကျပ် ၅၆ သိန်းနဲ့ ကျပ်သိန်း ၁၂၀၀ နဲ့ ကျပ်သိန်း ၁၂၀ တန်ဖိုး၊ ၈ ရက်မှာ ကျပ်သိန်း ၁၂၀၀ တန်ဖိုး၊ ၉ ရက်မှာ သုံးကြိမ်ဖမ်းမိခဲ့ရာ ကျပ် ၉ သိန်း၊ ကျပ်သိန်း ၄၀ နဲ့ကျပ် ၂၁၂၆ ဒဿမ ၆၅ သိန်းတန်ဖိုး။
ဇန်နဝါရီ ၁ ရက်၊ ညနေ ၆ နာရီခန့်က ရှမ်းပြည်အရှေ့ပိုင်း၊ ကျိုင်းတုံမြို့နယ်၊ ယန်းလောကျေးရွာအုပ်စု၊ ကျိုင်းဖောင်းကျေးရွာအနီး မိုင်းပျဉ်းမှ ကျိုင်းတုံဘက်ကို စိုင်းခမ်းခုံး(ခ)အိုက်ခုံးနဲ့ ကြာဦးတို့မောင်းနှင်လာတဲ့ HINO ၁၂ ဘီးယာဉ်ပေါ်ကကျပ် ၁ ဒသမ ၃၆၅ ဘီလီယံတန်ဖိုးရှိ ဘိန်းဖြူဘလောက်တုံး ၂၆၀ တုံး၊ အလေးချိန် ၉၁ ကီလို သိမ်းဆည်းရမိခဲ့ရာ အဲ့ဒီမူးယစ်ဆေးတွေကို ရှမ်းပြည်တောင်ပိုင်း၊ ကွန်ဟိန်းမြို့နယ်ကနေ တာချီလိတ်မြို့နယ်ကို ပို့ဆောင်မယ်လို့ ဖမ်းမိသူတွေက ထွက်ဆိုပါတယ်။
ဇန်နဝါရီလ ၃ ရက်၊ မနက် ၉ နာရီခန့်က တာချီလိတ်မြို့နယ်၊ ပါကွေ့(အောက်)ကျေးရွာအနီးမှာ လမ်းလျှောက်လာသူ ပေါလို့ ထံက ကျပ် ၂၈ သိန်းတန်ဖိုးရှိ စိတ်ကြွရူးသွပ်ဆေးပြား ၄,၀၀၀ ဖမ်းမိခဲ့ပါတယ်။
ဇန်နဝါရီ ၃ ရက်၊ ည ၇ နာရီခန့်က တောင်ကြီးမြို့၊ ချမ်းသာရပ်ကွက်မှာ ဆိုင်ကယ်မောင်းနှင်လာတဲ့ ဝင်းကိုကို ထံကကျပ် ၇ သိန်းတန်ဖိုးရှိတဲ့ စိတ်ကြွရူးသွပ်ဆေးပြား ၁,၄၀၀ ဖမ်းဆီးခဲ့ပါတယ်။
ဝင်းကိုကိုရဲ့ ထွက်ဆိုချက်အရ တောင်ကြီးမြို့၊ ကျောင်းကြီးစုရပ်ကွက်၊ ကျောက်စမ်းလမ်းရှိ နေအိမ်ခြံဝင်းအတွင်းက ကျပ် ၁,၆၀၇ သိန်း တန်ဖိုးရှိတဲ့ စိတ်ကြွရူးသွပ်ဆေးပြား ၃၂၁,၄၀၀ ပြားဖမ်းမိပါတယ်။
ဇန်နဝါရီ၊ ၄ ရက်၊ ညနေ ၅ နာရီခွဲခန့်က တောင်ကြီးမြို့နယ်၊ တောင်လေးလုံးကျေးရွာအနီး တောင်ကြီးမှ TOYOTA MARK II မောင်းနှင်လာတဲ့ ဟန်လင်းကျော် နဲ့ မယွန်းသီရိကျော်ထံက စိတ်ကြွရူးသွပ်ဆေးပြား ၄ သိန်း ဖမ်းဆီးရမိပါတယ်။
သူတို့ရဲ့ထွက်ဆိုချက်အရ ဇန်နဝါရီ ၅ ရက်၊ နံနက် ၁၁ နာရီခန့် မန္တလေးတိုင်းဒေသကြီး၊ သာစည်မြို့နယ်၊ ကျွဲတပ်ဆုံကျေးရွာအနီးမှာ တောင်ကြီးဘက်ကနေ ဇော်ဇော်အောင်(ခ)ထက်အောင် မောင်းနှင်ပြီး သန်းထွန်း နှင့် ကျော်ဝင်း(ခ)ဘလိ တို့လိုက်ပါလာတဲ့ CRV ကားပေါ်မှ စိတ်ကြွရူးသွပ်ဆေးပြား ၃ သိန်းဖမ်းမိခဲ့။ ဖြစ်စဉ်နှစ်ခုပေါင်း စိတ်ကြွဆေးပြား ၇ သိန်းကို ကျပ်သိန်း ၆၅၀၀ တန်ဖိုးရှိတယ်လို့ဖေါ်ပြထားပါတယ်။
ဇန်နဝါရီ ၆ ရက်၊ မနက် ၁၁ နာရီခန့်က တာချီလိတ်မြို့၊ ဆန်ဆိုင်း(ခ)ရပ်ကွက်၊ မြို့ပတ်လမ်းမှာ ဆိုင်ကယ်မောင်းနှင်လာတဲ့ အေးဖေ (ခ)အင်းသားထံက ကျပ် ၂၅၃ သိန်းတန်ဖိုးရှိ စိတ်ပြောင်းဆေးဝါး Happy Water အလေးချိန် ၂၃၀ ဂရမ်ဖမ်းမိပါတယ်။
အေးဖေရဲ့ထွက်ဆိုချက်အရ ည ၁၁ နာရီခွဲမှာ တာချီလိတ်မြို့၊ မယ်ခေါင်ရပ်ကွက်ရှိ ဟိုတယ်မှာ ထွန်းထွန်းနိုင်(ခ) အားဖူထံကနေ ဒေသကာလပေါက်ဈေးနဲ့ကျပ် ၁၉၁၄ သိန်းတန်ဖိုးရှိတဲ့ စိတ်ပြောင်းဆေးဝါး Happy Water အလေးချိန် ၁ ဒဿမ ၇၄ ကီလို၊ ကျပ်သိန်း ၁၀၀ တန်ဖိုးရှိတဲ့ အိုက်စ်(မက်သ်အဖက်တမင်း)အလေးချိန် ၁ ကီလို၊ ကျပ် ၇၂ သိန်းတန်ဖိုးရှိ အက်တက်စီဆေးပြား ၁၈၀ ကိုဖမ်းမိပါတယ်။
ဇန်နဝါရီ ၇ ရက် ၊ ညနေ ၃ နာရီခန့်က ကျိုင်းတုံမြို့၊ အမှတ်(၃)ရပ်ကွက်၊ မြို့သစ်ရပ်၊ ချယ်ရီလမ်းသွယ်(၁၁)နေ စိုင်းယီတစ်(ခ)ယီနွဲ့ ရဲ့နေအိမ်ထဲကနေ ကျပ် ၅၆ သိန်းတန်ဖိုးရှိ စိတ်ကြွရူးသွပ်ဆေးပြား ၈,၀၀၀ ဖမ်းမိခဲ့ပါတယ်။
ဇန်နဝါရီ ၈ ရက်၊ နေ့လယ် ၁ နာရီခန့်က ရှမ်းပြည်၊တောင်ကြီးမြို့ဘက်ကမောင်းနှင်လာတဲ့ ခရီးသည်တင်ယာဉ်ကို သာစည်မြို့နယ်၊ ကျွဲတပ်ဆုံကျေးရွာအနီးမှာ စစ်ဆေးခဲ့ရာ ခရီးသည် မအေးသိန်း နဲ့ မတင့်တင့်ထွန်း တို့ထံက ကျပ်သိန်း ၁၂၀၀ တန်ဖိုးရှိတဲ့ စိတ်ကြွရူးသွပ်ဆေးပြား ၈၀,၀၀၀ ဖမ်းမိခဲ့ပါတယ်။
ဇန်နဝါရီ ၉ ရက်၊ မနက် ၁၁နာရီခွဲခန့်က အချိန် ရှမ်းပြည်၊ ရပ်စောက်မြို့၊ ဥတ္တံတားရပ်ကွက်၊ နေရဲလင်းရဲ့ နေအိမ်အတွင်းက ကျပ် ၉သိန်းတန်ဖိုးရှိ စိတ်ကြွရူးသွပ်ဆေးပြား ၁,၈၀၀ ဖမ်းမိပါတယ်။
နေရဲလင်းထွက်ဆိုချက်အရ နေ့လယ် ၁၂ နာရီ ၁၅ မိနစ်မှာ ရပ်စောက်မြို့၊ဇော်ဂျီရပ်ကွက်မှာ ကျော်ကျော်လတ်(ခ)ဖင်လန်ဆီက ကျပ်သိန်း ၄၀ တန်ဖိုးရှိတဲ့ စိတ်ကြွရူးသွပ်ဆေးပြား ၈,၀၀၀ ဖမ်းမိပါတယ်။
ဇန်နဝါရီ ၉ ရက်၊ ညနေ ၅ နာရီခွဲခန့်က တောင်ကြီးမြို့၊ ကံကြီးရပ်ကွက်၊ ရေခြံ(၁)လမ်းနေ စိုင်းထက်ဦးအောင်(ခ)အိုရားမားရဲ့ နေအိမ်အတွင်းက ကျပ် ၂၁၂၆ ဒဿမ ၈၅ သိန်းတန်ဖိုးရှိ စိတ်ပြောင်းဆေးဝါး Happy Water အလေးချိန် ၁ ဒဿမ ၉၃၃၅ ကီလို ဖမ်းမိပါတယ်။
ဇန်နဝါရီ ၇ ရက်၊ ည ၁၁ နာရီ မိနစ် ၅၀ ခန့်မှာ တောင်ကြီးဘက်က မောင်းနှင်လာတဲ့ကားကို သာစည်မြို့နယ်၊ ကျွဲတပ်ဆုံရွာအနီးမှာစစ်ဆေးရာ ခရီးသည် မမူမျိုးစန္ဒာဝင်း နဲ့ မနန်းရီမူ တို့ထံက ကျပ်သိန်း ၁၂၀၀ တန်ဖိုးရှိ စိတ်ကြွရူးသွပ်ဆေးပြား ၈၀,၀၀၀ ဖမ်းမိပါတယ်။
ဇန်နဝါရီ ၉ ရက်၊ ညနေ ၆ နာရီခန့်က ကလောမြို့နယ်၊ ရေယောင်းမကျေးရွာအနီးမှာဆိုင်ကယ်မောင်းလာတဲ့ သန်းထွေး(ခ)သန်းထိုက်ထံက ကျပ်သိန်း ၁၂၀ တန်ဖိုးရှိ စိတ်ကြွဆေးပြား ၂၄၀၀၀ ကိုဖမ်းမိပါတယ်။
#MeKongNews
#ရှမ်းပြည်အတွင်း
#ရန်ကုန်
#ထိုင်းနိုင်ငံ
#မူးယစဆေးမျိုးစုံ
