မဲခေါင်၊ မတ် ၂၀
၂၀၂၀ ခုနှစ် တက်လက်စ Second Semester ကျန်နေတဲ့ CDM ကျောင်းသားတွေ အတွက် မတ်လ ၁၇ ရက်မှ စပြီး မြန်မာ့နွေဦး တက္ကသိုလ်-MNOU မှာ Formal Courses ပုံမှန် သင်တန်း ဒုတိယအကြိမ် တတိယအသုတ် အနေနဲ့ စတင်အပ်နှံနိုင်မယ်လို့ ကြေငြာထားပါတယ်။
ပထမနှစ်တက်လက်စ အတန်းတွေကိုသာ ခေါ်ယူတာဖြစ်ပြီး တက္ကသိုလ်ဝင်တန်း အောင်မြင်ပြီး အခြေခံ ပညာ ပြီးဆုံးတဲ့ ပထမနှစ်တက်ဖို့ စောင့်ဆိုင်းနေတဲ့သူတွေ လျှောက်ထားလို့ မရသေးကြောင်း ဖော်ပြ ထားပါတယ်။
Formal Courses ထဲမှ လက်ခံမယ့် အတန်းတွေ ကတော့ ပထမနှစ် ဝိဇ္ဇာနဲ့ သိပ္ပံဘာသာရပ် ၇ ခုနဲ့ စီးပွား ဘာသာရပ် ၃ ခု၊ ဒုတိယနှစ် ဝိဇ္ဇာနဲ့ သိပ္ပံဘာသာရပ် ၇ ခုနဲ့ စီးပွား ဘာသာရပ် ၃ ခုအပြင် မဟာအရည် အချင်းစစ်အတန်း ဝိဇ္ဇာနဲ့ သိပ္ပံဘာသာရပ် ၈ ခုဖြစ်ပြီး အဲဒီအတန်းတွေအတွက် နေ့သင်တန်းကို တက်လက်စ Second Semester ကျောင်းသား၊ ကျောင်းသူတွေ တက်ရောက်နိုင်တယ်လို့ ဆိုပါတယ်။
ကျောင်းအပ်နှံဖို့ အတွက် Myanmar Education System (MES) link ဖြစ်တဲ့ https://mes.moeedu.org/he-register ပေါ်မှာ စာရင်းသွင်းနိုင်ပြီး အခမဲ့ အပ်နှံရမှာဖြစ်ကာ ကျောင်းအပ်နှံ စာရင်းသွင်းရမယ့် ပုံစံ အဆင့်ဆင့်ကို https://m.facebook.com/story.php?story_fbid=158461990380408&id=100086498222883&mibextid=Nif5oz မှာ ဖော်ပြထားပါတယ်။
မြန်မာ့နွေဦး တက္ကသိုလ် MNOU ကတော့ ကြားကာလ ပညာရေးအတွက် ယာယီ တက္ကသိုလ် ကောင်စီတွေ၊ ဘာသာရပ်အဖွဲ့တွေ စုစည်းပြီး ပူးပေါင်း တည်ထောင်ထားတဲ့ ပညာရေးဝန်ကြီးဌာနရဲ့ ပြည်သူပိုင် တက္ကသိုလ် -Public University ဖြစ်တဲ့အပြင် ကိုယ်ပိုင်အုပ်ချုပ်ခွင့်ရ တက္ကသိုလ်-Autonomous University အဖြစ် အခမဲ့ ပညာရေးကို ဖော်ဆောင်နေပါတယ်။
မြန်မာ့နွေဦး တက္ကသိုလ်မှာ ကျောင်းသားပေါင်း ၂,၅၀၀ နီးပါး တက်ရောက်နေပြီး ဘာသာရပ်ပေါင်း ၃၀ ကျော်ကို လေ့လာနိုင်သလို နောက်ပိုင်းမှာ ဘာသာရပ် ၉၀ အထိ သင်တန်းတွေ ပို့ချနိုင်ဖို့ ကြိုးစားနေတယ်လို့ MNOU မှသိရပါတယ်။
MK-010
