မြန်မာ့နွေဦး

၂လဆက်တိုက် စစ်ကြောင်းထိုးခံနေရတဲ့ ကန့်ဘလူမှာ ဒေသခံတွေ ပျူစောထီးနဲ့ စစ်ကောင်စီ စစ်ကြောင်းကို ထမင်းချက်ပို့နေရ

မဲခေါင် 30 Jan - 2023
မဲခေါင်၊ ဇန်နဝါရီ ၃၀ နှစ်လဆက်တိုက် စစ်ကြောင်းထိုးခံထားရတဲ့ ကန့်ဘလူခရိုင်မှာ ဒေသခံတွေက ပျူစောထီးကျေးရွာ ၂ ခုဖြစ်တဲ့ ကံပေါက်နဲ့ လယ်လှကျေးရွာမှာ စခန်းချထားတဲ့ တပ်တွေကို ထမင်း၊ ဟင်းချက်ပြုတ်ပြီး ပို့နေရပါတယ်။

မဲခေါင်၊ ဇန်နဝါရီ ၃၀

နှစ်လဆက်တိုက် စစ်ကြောင်းထိုးခံထားရတဲ့ ကန့်ဘလူခရိုင်မှာ ဒေသခံတွေက ပျူစောထီးကျေးရွာ ၂ ခုဖြစ်တဲ့ ကံပေါက်နဲ့ လယ်လှကျေးရွာမှာ စခန်းချထားတဲ့ တပ်တွေကို ထမင်း၊ ဟင်းချက်ပြုတ်ပြီး ပို့နေရပါတယ်။

အဲဒီရွာ ၂ ရွာမှာ စခန်းချထားပြီး ခရိုင်ထဲကို စစ်ကြောင်းထိုးနေတဲ့ ခလရ ၃၆၈ တပ်ရင်းနဲ့ ပျူစောထီး အဖွဲ့ဝင် တွေကို ဒေသခံတွေက ထမင်း၊ ဟင်းချက်ပြုတ်ပြီး မပို့မနေရပို့ရမယ်လို့ အမိန့်ပေးစေခိုင်းထားတယ်လို့ ကျွန်းလှတက်ကြွ လှုပ်ရှားသူများအဖွဲ့ထံက သိရပါတယ်။

ကန့်ဘလူခရိုင်က ဒေသခံ ၁၀၀၀၀ လောက်ဟာ အဲဒီတပ်ဖွဲ့တွေရဲ့ နှစ်လဆက်တိုက် စစ်ကြောင်း ထိုးမွှေ နှောက်နေ တာကြောင့် စစ်ကြောင်းအထိုင်ချရာ ကံပေါက်နဲ့ လယ်လှ နှစ်ရွာကလွဲလို့ ကျန် ကျေးရွာ ၁၂ ရွာက သူတွေဟာ နေရပ်စွန့်ခွာ ထွက်ပြေးနေရပါတယ်။

“ဒီတိုင်းလေးနေကြရတာ။ သူတို့လည်း အကုန်စွန့်ဖို့တော့မလွယ်ဘူး။ တချို့လည်းကြောက်ကြလို့ ငြိမ်နေကြ တာပါဗျလို့ ကံပေါက်နဲ့ လယ်လှဒေသခံတွေရဲ့ အခြေအနေကို ကျွန်းလှတက်ကြွလှုပ်ရှားသူများအဖွဲ့က ပြောပြပါတယ်။

ဒါ့အပြင် စစ်တပ်နဲ့ ပျူစောထီးအဖွဲ့ဝင်တွေက ပြည်သူပိုင် တန်ဖိုးကြီးပစ္စည်းတွေကိုခိုးယူတာ၊ စပါးတင်း ထောင်နဲ့ချီပြီး ခိုးယူတာနဲ့ အိမ်မွေးတိရစ္ဆာန် ကြက်၊ ဝက်နဲ့ လယ်ယာသုံး ကျွဲ၊ နွားတွေကို ပြန်ရောင်စားဖို့ ခိုးယူတာတွေရှိခဲ့တယ်လို့ ဒေသခံတွေထံက သိရပါတယ်။

စစ်တပ်က ဆက်တိုက်စစ်ကြောင်းထိုးဝင်ရောက်မှုကြောင့် ပင့်သာ၊ ချောင်းကြား၊ ဖလားရ၊ အင်းမ၊ ညောင်ကုန်း၊ မန်ကျည်းကုန်း၊ တောင်ယာဆိပ်၊ သရက်တော၊ တကုန်း၊ ကုက္ကိုကုန်း၊ သံပုရာပင်စုနဲ့ မြဘုံသာ စတဲ့ ကျေးရွာ ၁၂ ရွာက ဒေသခံရွာသားတွေ ထွက်ပြေးတိမ်းရှောင်နေကြရတာဖြစ်ပါတယ်။

ဒေသခံအရပ်ဖက်အဖွဲ့အစည်း တစ်ခုက တာဝန်ရှိသူတစ်ဦးက “နီးစပ်ရာတောထဲတွေမှာ ဖြစ်သလို နေနေကြရတယ်ဗျ။ စစ်ကြောင်းက ဘယ်ဘက်ကိုထိုးမှန်းမသိ၊ ကိုယ်တွေရောက်နေတဲ့ တောထဲဘက် စစ်ကြောင်းရွှေ့လာရင် ထပ်ပြေးရနဲ့ အတော်ခက်ခဲကြပါတယ်” လို့ ဆိုပါတယ်။

ဆောင်းရာသီဖြစ်တဲ့အလျောက် တောထဲမှာ လှည့်လည်ရှောင်တိမ်းနေရတဲ့ပြည်သူတွေအတွက် အဝတ်အထည်၊ စောင်၊ မိုးကာနဲ့ ဆေးဝါးတွေကို အရေးပေါ်လိုအပ်လျက်ရှိပြီး အခြေခံစားသောက်ကုန်တွေလည်း လိုအပ်တယ်လို့ ဒေသခံတွေက ဆိုပါတယ်။

“ကျွန်တော်တို့ နယ်တွေကလည်း အတော်အေးတယ်ဗျ။ တောထဲကွင်းပြင်ကြီးတွေမှာ အမိုးအကာမရှိအိပ်ရတော့ သက်ကြီးရွယ်အိုနဲ့ ကလေးတွေအတွက် အရမ်းခက်ခဲပါတယ်။ နာမကျန်းဖြစ်ကြပါတယ်ဗျ” လို့ ကျွန်းလှတက်ကြွ လှုပ်ရှားသူများအဖွဲ့ဝင် တစ်ဦးက ပြောပါတယ်။

မနေ့က ဇန်နဝါရီ ၂၉ ရက်နေ့မှာလည်း ချောင်းကြားကျေးရွာကို မီးရှို့ခဲ့လို့ ပြည်သူပိုင် နေအိမ် ၈ လုံးနဲ့ စပါးကျည်တွေမီးလောင် ပျက်စီးခဲ့ပြီး ဒီဇင်ဘာ ၄ ရက်နေ့ကလည်း အဲဒီရွာကို နေအိမ် ၂၃ လုံးနဲ့ စပါးကျီ ၁၃ လုံးမီးလောင်ပျက်စီး ခဲ့ပါသေးတယ်။

ဒီနေ့မနက် ၉ နာရီခွဲဝန်းကျင်မှာလည်း ကန့်ဘလူမြောက်ခြမ်းမှာရှိနေတဲ့ စစ်ကောင်စီစစ်ကြောင်းဟာ တောင်ယာဆိပ်ကျေးရွာကို မီးရှို့ဖျက်ဆီးပြီးတဲ့နောက် မန်ကျည်းကုန်းရွာဘက်ကို ဆက်ထွက်သွားခဲ့တယ်လို့ ဒေသတွင်းသတင်းရင်းမြစ်တွေထံက သိရပါတယ်။

“စစ်ကြောင်းက အခုထွက်ပြီလို့တော့ ပြောတယ်ဗျ။ ကန့်ဘလူနယ်၊ မန်ကျည်းကုန်းရွာဘက်ပါ။ ဒါပေမယ့် အဲ့ရွာတွေက မဝေးဘူးဗျ အကုန်နီးတယ်။ စစ်ကြောင်းက ဘယ်ဘက်ရွေ့မလဲမသိဘူး။ ပြည်သူတွေက အတည်တကျမနေရဘူး။ နေနေတဲ့ဘက် စစ်ကြောင်းရွေ့လာရင် ထပ်ပြေးကြရတာမျိုးရှိပါတယ်” လို့ ဒေသခံတစ်ဦးက ဆိုပါတယ်။

လက်ရှိအချိန်မှာ ကန့်ဘလူခရိုင်အတွင်း အင်တာနက်လိုင်းဖြတ်တောက်ခံထားရပြီး ဖုန်းလိုင်းကိုလည်း တခါတလေဖြတ်တောက်ထားတာကြောင့် ဆက်သွယ်ရေးအခက်အခဲတွေလည်း ရှိနေပြီး လတ်တလော ကျေးရွာတွေ မီးရှို့ခံထားရတဲ့ အိမ်ခြေတွေကိုတော့ ဆက်လက်စုံစမ်းနေဆဲဖြစ်ပါတယ်။

ဒီဇင်ဘာနဲ့ ဇန်နဝါရီနှစ်လဆက်တိုက် စစ်ကြောင်းထိုး မီးရှို့ခဲ့တာကြောင့် ကျေးရွာ ၈ ရွာက ပြည်သူပိုင်နေအိမ် ၂၀၀ ကျော်၊ စစ်ရှောင်တဲ့ ၃၀ ခန့်နဲ့ စပါးတင်းထောင်နဲ့ချီ မီးလောင်ပျက်စီးခဲ့ရပြီး ပြည်သူ ၁၃ ဦးကို နှိပ်စက်သတ်ဖြတ်ခဲ့တယ်လို့ ကျွန်းလှတက်ကြွလှုပ်ရှားသူများအဖွဲ့က ထုတ်ပြန်ထားပါတယ်။

စစ်တပ်အာဏာသိမ်းပြီးနောက်ပိုင်း ၂၀၂၂ နှစ်ကုန်ထိ မြန်မာနိုင်ငံထဲက လူဦးရေ ၁ ဒဿမ ၅ သန်းကျော် ဟာ နေရပ်စွန့်ခွာနေကြရဆဲဖြစ်ပြီး ခက်ခဲတဲ့အခြေအနေတွေနဲ့ နေထိုင်ကြရတာကြောင့် လူမှုကယ်ဆယ်ရေး အကူအညီတွေ အပူတပြင်းလိုအပ်နေတယ်လို့ ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံး UNOCHA က အခုနှစ် ဇန်နဝါရီလတွင်းမှာ ထုတ်ပြန်ထားပါတယ်။

MK – 009

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now

Related News

မြန်မာ့နွေဦး

လွယ်ဂျယ်အနီးက အရေးပါတဲ့ ယောယုံစစ်ကောင်စီဗျူဟာစခန်းနဲ့ ကာကင်းစခန်း ၂ ခုကို KIA နဲ့ပူးပေါင်းအဖွဲ့ ထပ်မံ သိမ်းပိုက်

တရုတ် - မြန်မာ နယ်စပ် လွယ်ဂျယ်မြို့နဲ့ KIA ထိန်းချုပ်ရာ မိုင်ဂျာယန် အနီးက အဓိကအရေးပါတဲ့ ယောယုံ စစ်ကောင်စီဗျူဟာစခန်းနဲ့
မြန်မာ့နွေဦး

ရေလိုအပ်နေတဲ့ စစ်ရှောင်စခန်းတွေကို ရေလှူဒါန်း

ဖယ်ခုံမြို့နယ် အနောက်ဘက်ခြမ်းမှာရှိတဲ့ စစ်ရှောင်စခန်း နှစ်ခုမှာ ရေလိုအပ်နေတာကြောင့် သွားရောက်လှူဒါန်းဖြစ်တယ်လို့ စစ်ရှောင်အရေးကူညီပေးနေတဲ့ Dreams - အိမ်မက်များအဖွဲ့က တာဝန်ရှိသူက မတ်

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
မြန်မာ့နွေဦး

နမ့်စလပ်မှာ ၂ ရက်ဆက် တိုက်ပွဲဖြစ်ပွားပြီးနောက် SSPP နဲ့ MNDAA တို့ ပြေလည်မှုရ

ရှမ်းပြည်မြောက်ပိုင်း၊ သိန္နီ - လောက်ကိုင်လမ်း နမ့်စလပ်အနီး MNDAA နဲ့ SSPP/SSA တို့အကြား မတ်လ ၂၆ ရက်နေ့နဲ့ မတ်လ ၂၇ ရက်နေ့ ၂ ရက်ဆက်တိုက် ထိတွေ့ တိုက်ပွဲဖြစ်ပွားပြီးနောက် ဒီနေ့

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

ဗန်းမော် – လွယ်ဂျယ်လမ်းဘက်က စစ်ကောင်စီစခန်းတွေကို KIA နဲ့ ပူးပေါင်းတပ်ဖွဲ့တွေ သိမ်းပိုက်

ဗန်းမော် - လွယ်ဂျယ်လမ်းဘက်က စစ်ကောင်စီ တပ်စခန်း တချို့ကို မတ်လ ၂၇ ရက်နေ့က KIA နဲ့ ပူးပေါင်းတပ်ဖွဲ့က သိမ်းပိုက်လိုက်ကြောင်း KIA ရှေ့တန်း နဲ့ နီးစပ်သူတွေဆီက သိရပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

နန်းတုတ်ရွာအနီးကို စစ်ကောင်စီ လေယာဉ်နဲ့ဗုံးကြဲလို့ ကားတစ်စီး ထိမှန်ပျက်စီး

နန်းတုတ်ကျေးရွာအနီးကို တိုက်ပွဲဖြစ်ပွားတာမရှိဘဲ စစ်ကောင်စီက မတ်လ ၂၇ ရက်နေ့လည်ပိုင်းက လေယာဉ်နဲ့ မီးလောင်ဗုံးကြဲချကာ ပြောင်းတင်လှေဆိပ်ကို လေယာဉ်နဲ့ ပစ်ခတ်တိုက်ခိုက်တယ်လို့ သိရပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

သိန္နီမှာ SSPP နဲ့ MNDAA တိုက်ပွဲဖြစ်

MNDAA တပ်တွေက ဒရုန်းနဲ့ ၂ ကြိမ်တိုင် စတင်တိုက်ခိုက်တာကြောင့် နှစ်ဖက်ထိတွေ့မှု ဖြစ်ပွားခဲ့တယ်လို့ SSPP က မနေ့ မတ် ၂၇ ရက်မှာ ထုတ်ပြန်ပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
မြန်မာ့နွေဦး

ကလောမှာ စစ်တပ်ထောက်တိုင် အုပ်ချုပ်ရေးမှူးတွေက စစ်မှုထမ်းဥပဒေအကြောင်းပြ ငွေကောက်ခံနေ

ရှမ်းပြည်တောင်ပိုင်း၊ ကလောမြို့နယ် လယ်ကြားအုပ်စုမှာ စစ်ကောင်စီထောက်တိုင်တွေဖြစ်တဲ့ အုပ်ကြီးတွေက မတ်လ ၂၇ ရက်နေ့မှာ ပြည်သူတွေဆီကနေ တအိမ်ကို ၄၀၀၀၀ နှုန်း ငွေကောက်ခံနေတယ်လို့ ဒေသခံတစ်ဦးက ပြောပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
မြန်မာ့နွေဦး

တာချီလိတ်မှာ တရားမဝင် တရုတ်နိုင်ငံသား ၆၀ နီးပါး ထပ်မံဖမ်းဆီးခံရ

ရှမ်းပြည်အရှေ့ပိုင်း၊ တာချီလိတ်မြို့မှာ တရားမဝင်နေထိုင်နေတဲ့ တရုတ်နိုင်ငံသား ၅၈ ဦးကို မတ်လ ၂၅ ရက် နေ့လည်ပိုင်းက ထပ်ပြီးဖမ်းဆီးရမိခဲ့တယ်လို့ ဒေသအရင်းအမြစ်ထံက သိရပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now