အဲဒီ လဝက ရုံးဟာ စစ်ကောင်စီရဲ့ အကြီးစား ထောက်တိုင်ဖြစ်ပြီး မှတ်ပုံတင်နဲ့ အိမ်ထောင်စုစာရင်း ပြုလုပ်တဲ့ အခါမှာ ပြည်သူလူထုထံမှ မသမာတဲ့နည်းနဲ့ ငွေကြေး အမြောက်အများ လာဘ်စားနေလို့ သိရပါတယ်။
လူထိခိုက်မှု မရှိပါဘူး။ သတိပေးတဲ့ သဘောနဲ့ ဖာက်ခွဲတာပါ။ အဆောက်အဦတော့ နဲနဲထိတယ်လို့ သတင်းရထားပါတယ်
လို့ Bago Region PDF သတင်းပြန်ကြားရေး တာဝန်ခံက ပြောပါတယ်။
စစ်ကောင်စီက ဖွဲ့စည်းထားတဲ့ မြို့နယ်စီမံအုပ်ချုပ်ရေး ကောင်စီမှာ လဝက ဦးစီးမှူးဟာ အရေးပါတဲ့ ကဏ္ဍမှ ပါဝင်ကာ ပြည်သူလူထုကို နည်းလမ်းမျိုးစုံနဲ့ ဖိနှိပ်ခြိမ်းခြောက် ဒုက္ခပေးလျက်ရှိတဲ့ ဦးစီးဌာန ဖြစ်တာကြောင့် အုတ်ဖို မြို့ပြပြောက်ကျားအဖွဲ့က ဗုံးခွဲ တိုက်ခိုက်ခဲ့တာလို့ ဆိုပါတယ်။
အဲဒီ စစ်ဆင်ရေးမှာ ပြည်သူလူထု ထိခိုက်မှု မရှိစေဖို့ အဓိကထား ဆောင်ရွက်ခဲ့ကာ မြို့ပြ ပြောက်ကျား တပ်ဖွဲ့ဝင်တွေ ဘေးအန္တရာယ်မရှိ ဆုတ်ခွာနိုင်ခဲ့တယ်လို့ Bago Region PDF က ထုတ်ပြန်ထားပါတယ်။