မဲခေါင်၊ ဇန်နဝါရီ ၁၉
အထက်တန်း အောင်မြင်ပြီးတဲ့ မြန်မာ ကျောင်းသားတွေအနေနဲ့ ချင်းမိုင်တက္ကသိုလ်က ပေးအပ်တဲ့ ရာနှုန်းပြည့် ပညာသင်ဆု အတွက် လျှောက်ထားနိုင်တယ်လို့ Humanities Chiangmai University က ထုတ်ပြန်ပါတယ်။
ထိုင်းနိုင်ငံရဲ့ အဆင့် (၃) နေရာမှာရှိတဲ့ ချင်းမိုင်တက္ကသိုလ်ဟာ ၂၀၂၃ ခုနစ် ပညာသင်ဆုကို ကမ္ဘောဒီးယား၊ လာအို၊ ဗီယက်နမ်နဲ့ မြန်မာနိုင်ငံ Undergraduate ကျောင်းသားတွေကို Thai as a Foreign Language-TFL ပရိုဂရမ်ကနေ Full Scholarship ပေးအပ်မှာ ဖြစ်ပါတယ်။
ဒီ Scholarship Award မှာ စာသင်နှစ် ၄ နှစ်စာ အတွက် Tuition Fees 440,000 THB နဲ့ Travel allowance တို့ကို ပေးအပ်မှာ ဖြစ်ပြီး ထိုင်းနိုင်ငံမှာ ပညာသင်ယူလိုပေမယ့် ငွေကြေး အခက်အခဲရှိနေတဲ့ ကျောင်းသား၊ ကျောင်းသူတွေ အတွက် ရည်ရွယ်တယ်လို့ သိရပါတယ်။
လျှောက်ထားလိုသူတွေ အနေနဲ့ အထက်တန်းအောင် လက်မှတ် (သို့) ထိုင်းနိုင်ငံ အသိအမှတ်ပြု GED (GPA-minimum 3.0) အောင်လက်မှတ်ရှိရမှာ ဖြစ်ပါတယ်။
ဘာသာစကား အရည်အချင်းနဲ့ စာရွက်စာတမ်း လိုအပ်ချက်တွေ ကတော့ IELTS Minimum Band Score 5.5 ၊ TOEFL Minimum Score of 470 PBT or 150 CBT or 52 Ibt ၊ ထောက်ခံသူ ၂ ယောက် Two Letters of Recommendation ၊ ထိုင်းဘာသာနဲ့ ရေးထားတဲ့ ကျောင်းလျှောက်ထားရတဲ့ ရည်ရွယ်ချက် စာတစ်စောင် A Statement of purpose written in Thai တို့ လိုအပ်တယ်လို့ သိရပါတယ်။
ဒီပရိုဂရမ်က ထိုင်းဘာသာစကားနဲ့ သင်ကြားရမှာဖြစ်ပြီး ပညာတော်သင်ဆု ရရှိပါက ထိုင်းဘာသာ စကားသင် ယူဖို့ သင်တန်း စီစဉ်ပေးတယ်လို့ သိရပါတယ်။
ချင်းမိုင်တက္ကသိုလ် အနေနဲ့ နှစ်စဉ် ကျောင်းသား ၂၀၀ ခန့်ကို Master နဲ့ Doctoral Degree တွေအတွက် Scholarships တွေပေးနေပြီးတော့ Undergraduate Program ကတော့ နည်းပါးတယ်လို့ သိရပါတယ်။
ဒီပညာသင်ဆုကို ဖဖော်ဝါရီလ ၂၀ ရက်နေ့ နောက်ဆုံးထား လျှောက်ထားရမှာ ဖြစ်ပြီး အသေးစိတ် သိလိုပါက [email protected] သို့ အီးမေးလ်ပို့ပြီး စုံစမ်း နိုင်သလို http://form.jotform.com/223311436399457 ကနေလည်း လျှောက်ထားနိုင်တယ်လို့ သိရပါတယ်။
MK-010
