မဲခေါင်၊ ဧပြီ ၃
ရန်ကုန်တိုင်း၊ သာကေတမြို့နယ်၊ (၁၀) တောင်ရပ်ကွက်၊ သလ္လာဝတီ ဓမ္မာရုံလမ်း၊ အမက (၃၁) ကျောင်းရှေ့ အကြော်ရောင်းနေတဲ့ သက်ကြီး အမျိုးသားကို စစ်ကောင်စီက ရိုက်နှက် ဖမ်းဆီးသွားတယ်လို့ ရပ်ကွက်နေ ပြည်သူတွေက မဲခေါင်သတင်းဌာနကို ပြောပါတယ်။
မေလ ၁ ရက်နေ့၊ ည ၈ နာရီကျော် ဝန်းကျင်က အကြော် ရောင်းနေတဲ့ အသက် ၆၀ ကျော်အရွယ် အမျိုးသား တစ်ဦးကို စစ်တပ်က ကားများနဲ့လာရာက် ရိုက်နှက် ဖမ်းဆီးသွားတာ ဖြစ်တယ်လို့ မျက်မြင်တွေ့သူ တစ်ဦးက ပြောပါတယ်။
“ အဘိုး အရွယ်လောက် ရှိနေပါပြီ။ သူ့ဘာသာ အကြော်ရောင်းပြီး နေတာ ကြာပါပြီ။ သူ့သားက စစ်သားလို့တော့ ကြားတယ်။ စစ်တပ်ကနေ ထွက်ပြေးပြီး CDM လုပ်နေလို့ လိုက်ရှာနေကြတာ။ သူ့သားကို ဖမ်းမမိလို့ သူ့အဖေကို ရိုက်ပြီး လာဖမ်းကြတာ။ လူတွေကတော့ ဒေါသဖြစ်ပေမယ့် ဒီအတိုင်း ကြည့်နေရတာ” လို့ သူကပြောပါတယ်။
သာကေတမြို့နယ်အတွင်း စစ်ကောင်စီက နေ့စဉ် လှည့်ကင်း၊ ပတ်ကင်းတွေနဲ့ ပြည်သူတွေကို စောင့်ကြည့်နေ သလို ပစ်ခတ်မှု ဖြစ်ပွားတဲ့ ရပ်ကွက်တွေ အတွင်း ဧည့်စာရင်း အကြောင်းပြ ဝင်ရောက် စစ်ဆေးမှုတွေ ရှိနေပြီး သန်လျင် တံတားပေါ်မှာ ပိတ်ဆို့ စစ်ဆေးမှုတွေ မကြာခဏ ပြုလုပ်လေ့ရှိတယ်လို့ ဒေသခံတွေက ပြောပါတယ်။
MK-005
#MeKongNews
#သာကေတမြို့နယ်
#CDM
#ဖမ်းဆီး