မဲခေါင်၊ ဖေဖော်ဝါရီ ၆
ရန်ကုန် မော်လမြိုင် အဝေးပြေးလမ်းမကြီးပေါ်ကို ဖြတ်သန်းလာတဲ့ စစ်ကောင်စီ ယာဉ်တန်းကို ဖေဖော်ဝါရီ ၄ ရက်နေ့ ည ၉ နာရီကျော်က KNLA နဲ့ ပူးပေါင်း တိုက်ခိုက်ခဲ့တာလို့ သိရပါတယ်။
ဒီတိုက်ခိုက်မှုကို KNLA တပ်ရင်း ၂ က တပ်ခွဲ ၃ နဲ့ Hawk Revolutionary Squad ( H R S ) တို့က ပူးပေါင်းတိုက်ခိုက်ခဲ့တာလို့ ဖေဖော်ဝါရီ ၅ ရက်နေ့မှာ H R S အဖွဲ့က ထုတ်ပြန် အသိပေးထားပါတယ်။
ဘိုခမ်းကွင်း နဲ့ ဇရပ်ကျွန်းကြား ကမာစိုင်ရွာသစ် နားမှာ ပူးပေါင်းအဖွဲ့က မိုင်းဆွဲကာ လက်နက်ငယ်တွေ၊ ၄၀ မမ ဗုံးသီး တွေနဲ့ ပစ်ခတ်တိုက်ခိုက်ခဲ့လို့ စစ်ကောင်စီတပ်သား ၅ ဦးသေဆုံးပြီး ၅ ဦးပြင်းထန်စွာထိခိုက်ဒဏ်ရာရရှိကာ ကားတစ်စီးပျက်စီးခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ပူးပေါင်းတပ်ဖွဲ့ အနေနဲ့ ထိခိုက်မှုတစ်စုံတစ်ရာမရှိဘဲ ပြန်လည်ဆုတ်ခွါနိုင်ခဲ့တယ်လို့ သိရပါတယ်။
HRS အနေနဲ့ မြေပြင်အခြေအနေအပေါ်မူတည်ပြီး ဝေဟင် တိုက်ခိုက်ရေးတွေ အပြင် မြေပြင်တိုက်ခိုက်ရေးတွေကိုပါ KNLA တပ်ရင်း၊ တပ်ဖွဲ့တွေနဲ့ ပူးပေါင်းဖော်ဆောင်ပြီး စစ်ကောင်စီတပ်တွေကို တိုက်ပွဲဝင်လျက်ရှိတယ်လို့ သိရပါတယ်။
MK-001
#MekongNews