မဲခေါင်၊ ဖေဖော်ဝါရီ ၁၀
ကရင်နီပြည်၊ လွိုင်ကော်မြို့နယ် ကယန်းသာယာလမ်းခွဲနဲ့ လင်ဖုံလေးကျေးရွာ လမ်းခွဲရှိ စစ်တပ်စခန်းတွေကို တော်လှန်ရေး အင်အားစုတွေက အလစ်အငိုက် ဝင်တိုက်ရာ စစ်သား ၄ ဦး သေဆုံးပြီး အများအပြား ဒဏ်ရာရရှိတယ်လို့ သိရပါတယ်။
မနေ့က မနက်ပိုင်းမှာ အဲဒီစခန်း ၂ ခုကို KNDF B (14)၊ B (02)၊ Loikaw PDF တို့ ပူးပေါင်းပြီး မိနစ် ၂၀ ကျော်ကြာ တစ်ပြိုင်တည်း အလစ်အငိုက် ဝင်ရောက် တိုက်ခိုက်ခဲ့တာလို့ KNDF က ထုတ်ပြန်ပါတယ်။
တိုက်ပွဲအတွင်း ကယန်းသာယာလမ်းခွဲ စခန်းမှာ စစ်သား ၂ ဦး၊ လင်ဖုံလေးလမ်းခွဲမှာ စစ်သား ၂ ဦး သေဆုံးခဲ့ကာ ထိခိုက်ဒဏ်ရာ ရရှိသူတွေရှိတာကို အတည်ပြုနိုင်ခဲ့ပြီး ပူးပေါင်းတပ်ဖွဲ့ဘက်မှ အထိခိုက်မရှိ ဆုတ်ခွာနိုင်ခဲ့တယ်လို့ သိရပါတယ်။
လက်ရှိ စစ်တပ်က လွိုင်ကော်မြို့နယ်အတွင်း စစ်ကြောင်းထိုးနေသလို လက်နက်ကြီးတွေနဲ့ နေ့စဉ် ပစ်ခတ်နေလို့ မိဘပြည်သူတွေအနေနဲ့ ခရီးသွားလာပါက စစ်ရေးအခြေနေတွေ အလေးထား ဆင်ခြင်သွားလာကြဖို့ KNDF-B 14 က မေတ္တာရပ်ခံထားပါတယ်။
MK-003
#MeKongNews
#လွိုင်ကော် #KNDF-B14 #စစ်တပ်စခန်း