မဲခေါင်၊ မတ် ၄

တနင်္သာရီတိုင်း၊ လောင်းလုံးမြို့နယ်၊ အောက်ကျောက်ဝပ်ကျေးရွာကို စစ်ကောင်စီတပ်နဲ့ ပျူစောထီးတွေ ဒီကနေ့မှာ မီးရှို့ဖျက်ဆီးခဲ့ပြီး ပြည်သူ ၅ ဦးကို သတ်ဖြတ်သွားတယ်လို့ လောင်းလုံးမြို့နယ်ပြည်သူ့ အုပ်ချုပ်ရေးအဖွဲ့က ထုတ်ပြန်ပါတယ်။

စစ်ကောင်စီတပ်နဲ့ ပျူစောထီးတွေက အောက်ကျောက်ဝက်ကျေးရွာကို ဒီကနေ့ မနက်ပိုင်းက စတင်ဝင်ရောက် မီးရှို့ဖျက်ဆီးခဲ့တာဖြစ်ပြီး ပြည်သူပိုင် နေအိမ် ၃ လုံး ပျက်စီးကာ ပြည်သူ ၅ ဦးကို သတ်ဖြတ်သွားခဲ့တာပါ။

သတ်ဖြတ်ခံရတဲ့ ပြည်သူ ၅ ဦးရဲ့ မိသားစုတွေနဲ့ထပ်တူ ဝမ်းနည်းရပြီး ပြည်သူတွေအပေါ် အကြမ်းဖက် သတ်ဖြတ်နေတဲ့ စစ်ကောင်စီကို အပြင်းအထန် ရှုတ်ချတယ်လို့ လောင်းလုံးမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်ချက်ပါတယ်။

လောင်းလုံးမြို့နယ်အတွင်း စစ်ကောင်စီနဲ့ ပျူစောထီးတွေက ကျေးရွာတွေကို မီးရှို့ဖျက်ဆီးတာ၊ ပြည်သူတွေကို ဖမ်းဆီးသတ်ဖြတ်တာတွေ ဆက်တိုက် လုပ်ဆောင်နေတာကြောင့် သတိထား သွားလာကြဖို့ ထုတ်ပြန်ချက်မှာ ဖော်ပြထားပါတယ်။

MK-007

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)