မဲခေါင်၊ မတ် ၂၃
ရှမ်းပြည်နယ် မြောက်ပိုင်း၊ လားရှိုးမြို့နယ်၊ ခုန်စုမ်ရွာသား ၄ ဦးဟာ မပေါက်ကွဲသေးတဲ့ မိုင်းကို ကောက်သွားရာက ယာတဲ အရာက်မှ မိုင်းပေါက်ကွဲတာကြောင့် ၂ ဦး သေဆုံးပြီး ၂ ဦး ဒဏ်ရာ အပြင်းအထန် ရခဲ့တယ်လို့ ဒေသခံတွေက ပြောပါတယ်။
နမ့်ပေါင်ကျေးရွာအုပ်စု၊ ခုန်စုမ်ရွာသား ၄ ဦးဟာ လမ်းမှာ မပေါက်သေးတဲ့ မိုင်းကိုတွေ့လို့ ယာတောထဲကို ကောက်ယူလာရာ ယာတဲ အရောက်မှာ မိုင်းက အသက်ဝင် ထပေါက်တာကြောင့် ၂ ဦးသေဆုံးပြီး ၂ ဦးကတော့ ဒဏ်ရာ အပြင်းအထန် ရရှိခဲ့တာလို့ ဒေသခံ တစ်ဦးက ဆိုပါတယ်။
မိုင်းပေါက်ကွဲမှုကြောင့် ပြင်းထန် ဒဏ်ရာ ရရှိသူ ၂ ဦးကို လားရှိုးဆေးရုံ တင်ပို့ထားတယ်လို့ ဒေသတွင်း သတင်းရင်းမြစ်တွေက ပြောပါတယ်။
မပေါက်ကွဲသေးတဲ့ မိုင်း၊ လက်နက်ကြီးကျည်တွေဟာ ကာလကြာမြင့်စွာ အသက်ဝင်နေဆဲ ဖြစ်တာကြောင့် အချိန်မရ္ဂေး ပေါက်ကွဲနိုင်လို့ ပြည်သူတွေ အနေနဲ့ ယူဆောင်သွားတာ၊ စူးစမ်းတာတွေ မလုပ်ကြဖို့ ပြည်သူ့ကာကွယ်ရေးတပ်ဖွဲ့တွေက သတိပေး ထုတ်ပြန်ထားပါတယ်။
Mk-007