မဲခေါင်၊ မတ် ၂၁
ရှမ်းပြည်နယ်တောင်ပိုင်း-ကရင်နီနယ်စပ်မှာ ဖြစ်ပွားနေတဲ့ ၅ ရက်တာတိုက်ပွဲအတွင်း စစ်ကောင်စီ ယာယီတပ်ရင်းမှုးအပါအ၀င် စစ်သား ၈၈ ဦးသေပြီး လက်နက်ခဲယမ်းတွေရတယ်လို့ NUG ကာကွယ်ရေး၀န်ကြီး ဌာနက မနေ့က ထုတ်ပြန်ထားပါတယ်။
မတ်လ ၈ ရက်ကနေ ၁၂ ရက်အထိရှမ်း-ကရင်နီနယ်စပ်မှာ ဖြစ်ပွားခဲ့တဲ့ တိုက်ပွဲတွေအတွင်း စစ်ကောင်စီတပ်သား ၈၈ ဦးသေဆုံးတဲ့အပြင် စစ်သား ၆ ဦးကိုလည်းအရှင်ဖမ်းမိတယ်လို့ဆိုပါတယ်။
ဒါ့အပြင် MA 3 ၃ လက်၊ MA1 ၂ လက်၊ RPG ၂ လက်၊ ၆၀မမ ၃ လက်၊ ငါးကြင်းမီး စက်သေနတ် တစ်လက်အပါအဝင် ခဲယမ်းမီးကျောက်အမြောက်အများနဲ့ ငွေကျပ် ၅ သိန်းလည်းရတယ်လို့ ထုတ်ပြန်ချက်မှာဖော်ပြထားပါတယ်။
အာဏာသိမ်းစစ်တပ်ဟာ အင်အားတစတစ လျော့နည်းလာပြီး စစ်တပ်ရဲ့ ပြည်သူတွေအပေါ် သတ်ဖြတ်မှုတွေကြောင့်တပ်သားသစ်မ၀င်တော့တဲ့အပြင် တပ်တွင်းမှာလည်း စည်းလုံးမှုပြိုကွဲနေတာကြောင့် စစ်ခေါင်းဆောင်မင်းအောင်လှိုင်နဲ့ ဒုစစ်ခေါင်းဆောင်စိုး၀င်းကိုယ်တိုင် တပ်တွင်းလိုက်လံစည်းရုံးနေရပါတယ်။
MK-007
#MeKongNews
#ကရင်နီ
#ရှမ်းတောင်
