ထိုင်းနိုင်ငံသို့ ပြောင်းတင်ပို့မှုမှာ အခွန်စည်းကျပ်မှု များတဲ့ကာလဖြစ်တဲ့ စက်တင်ဘာလကနေ ဇန်နဝါရီလအထိ ၅ လ တင်ပို့မှုရပ်ဆိုင်းလေ့ရှိတဲ့အတွက် မိုးပြောင်းပေါ်ချိန်မှာ စျေးရရှိမှုနည်းတာဖြစ်ပြီး နယ်မြေမအေးချမ်းမှု၊ သွင်းအားစုများ စျေးမြင့်တက်မှုတွေကြောင့် တောင်သူတွေ စိုက်ပျိုးမှုနည်းပြီး အထွက်နှုန်း လျော့နည်းရခြင်းဖြစ်တယ်လို့ သိရပါတယ်။
အခုချိန်က ရှမ်းပြောင်းပေါ်ချိန် တောင်ရောမြောက်ရောမှာပြောင်းတွေပေါ်ပြီး ကချင်၊ ကယား မိုးပြောင်းတွေထွက်လာပြီး အထွက်နှုန်းလည်းနည်းတယ်။ ပြည်ပတင်ပို့ချိန်မဟုတ်တော့ စျေးကလည်း သိပ်မရဘူး၊ ရှေ့နှစ် ၄ လပိုင်းအကုန်ကနေ ၇ လပိုင်းအထိ မူဝါဒတွေက အပြောင်းအလဲလုပ်တာတွေရှိတော့ စျေးကွက်ကိုထိခိုက်မူတွေရှိခဲ့တယ်။ တောင်သူကလည်း တွက်ချေကိုက်မယ့်သီးနှံပြောင်းစိုက်တော့ ပြောင်းအထွက်နှုန်းက ကျသွားတယ်
လို့ ပြောင်းအသင်းက တာဝန်ရှိသူတစ်ဦးကပြောပါတယ်။
ပြောင်းစိုက်တောင်သူတွေမှာ ပို့ဆောင်ဆက်သွယ်ရေး ဂိတ်ဖြတ်သန်းရမှုတွေကြောင့် ဒေသတစ်ခုနဲ့တစ်ခု စျေးရရှိမှု တူညီမှု မရှိဘဲ နယ်စပ်ဒေသနဲ့ နီးစပ်ရာပြည်နယ်နဲ့တိုင်းဒေသကြီးတွေက စျေးပိုမိုရရှိပြီး လက်ရှိမှာ ရှမ်းမြောက်စျေးမှာ တစ်ပိဿ ၁ ထောင်ဝန်းကျင်မှာသာ ရှိတယ်လို့ သူကပြောပါတယ်။
မြန်မာနိုင်ငံရဲ့ ၆၀ ရာခိုင်နှုန်းသော ပြောင်းဟာ ရှမ်းမြောက်မှထွက်ရှိပြီး ရှမ်းတောင်က ၂၀ ရာခိုင်းနှုန်းထွက်ရှိကာ ကချင်ပြည်နယ်၊ ကယားပြည်နယ်နဲ့ ဧရာဝတီတိုင်းက အနည်းအကျဥ်းထွက်ရှိကြောင်းလည်း သိရပါတယ်။
နယ်မြေမအေးချမ်းမူ၊ လမ်းပန်းဆက်သွယ်ရေးအခြေအနေတွေကြောင့် ယခုနှစ်မှာ ပြောင်းစိုက်ဧက ၁ သန်းနီးပါးသာရှိပြီး ပြောင်းသီးနှံထွက်ရှိမှု တန်ချိန် ၂၁ သန်းသာ ထွက်ရှိတယ်လို့လည်း သိရပါတယ်။
