မဲခေါင်၊ ဖေဖော်ဝါရီ ၁၈
တားရော့ဗေဒင်မေးမြန်းပြီး ရှမ်းပြည်နယ်တောင်ပိုင်း တော်လှန်ရေးတပ်ဖွဲ့တွေကို ရန်ပုံငွေထောက်ပံ့နိုင်မယ့် “တားရော့မေးရင်းလှူ တော်လှန်ရေးမှာကူ” အစီအစဉ်ကို စတင်လိုက်ပြီးလို့ တိုးနယား ရှမ်းတောင်ရန်ပုံငွေရှာဖွေရေးအဖွဲ့ – Torenia – Southern Shan Fundraising Team က ကြေညာပါတယ်။
တားရော့ဟောပြောရာမှာ နာမည်ကောင်းရထားပြီး မေးမြန်းသူတွေရဲ့ ချီးမွမ်းမှုရထားတဲ့ ဆရာမတစ်ယောက်က ဟောပြောပေးမှာဖြစ်ပြီး မေးခွန်း ၃ခုအတွက် အလှူငွေ ၅၀၀၀ ကျပ် ပြန်လှူဒါန်းရမှာဖြစ်တယ်လို့ တိုးနယားအဖွဲ့က ကြေညာထားပါတယ်။
တားရော့ဟောပြောရာကနေ ရရှိလာတဲ့ အလှူငွေတွေကို ရှမ်းပြည်(တောင်ပိုင်း) ဒေသခံတော်လှန်ရေး တပ်ပေါင်းစု (SSLRU)ကို ထောက်ပံ့ပေးမှဖြစ်တာကြောင့် တားရော့ချစ်သူတွေအနေနဲ့ တခြားမှာမေးတာထက် တော်လှန်ရေးရဲမေဆရာမဆီမှာ လာမေးစေ့ချင်တယ်လို့ SSLRU ရဲ့ တာဝန်ခံက မဲခေါင်သတင်းကို ပြောပါတယ်။
“တားရော့ချစ်သူတွေကို အပြင်မှာမေးမြန်းတာထက် တော်လှန်ရေးရဲမေဆရာမဆီမှာ လာမေးမြန်းရင်း တော်လှန်ရေးအတွက် တထောင့်တနေရာကနေ ပါဝင်အားဖြည့်ကြဖို့ ကူကြပါလို့ တိုင်းရင်းသားပြည်သူလူထုတွေကို မေတ္တာရပ်ခံပါတယ်လို့ ပြောကြားချင်ပါတယ်ခင်ဗျ” လို့ သူက ပြောပါတယ်။
ဒီအစီအစဉ်မှာ တားရော့မေးမြန်းလိုသူတွေအနေနဲ့ https://www.facebook.com/profile.php?id=100087595232000 မှာ သွားရောက်မေးမြန်နိုင်တယ်လို့ သိရပါတယ်။
SSLUR ကို ရှမ်းပြည်တောင်ပိုင်း တော်လှန်ရေးအင်အားစုတွေဖြစ်တဲ့ Force 36 Ranger၊ Joe Phyu Guerrilla Force၊ Ye-Ngan Urban Guerrillas၊ Urban Task Force Aung Ban – UTF နဲ့ RED ANTS guerilla force တို့ ပူးပေါင်းဖွဲ့စည်းထားတာ ဖြစ်ပါတယ်။
MK – 004
#MeKongNews