မနေ့ မနက်ပိုင်းက စတင်ကာ အမှတ် (၄) လမ်းမပေါ်မှာ စစ်သား ၂ ဦးနဲ့ ရဲတစ်ဦးက ဆိုင်ကယ် အကောင်းစား စီးလာသူများကိုသာ ရွေးဖမ်းနေတာ ဖြစ်ပြီး ကယ်ရီဆွဲနေတဲ့ ဆိုင်ကယ်တွေ ကိုတော့ ဖမ်းဆီးတာ မရှိဘူးလို့ သူကပြောပါတယ်။
တစ်ချို့ကတော့ မောင်းပြီး ထွက်ပြေးတာတွေ ရှိတယ်။ စစ်သား ၂ ကောင်က ရဲကို သေနတ်နဲ့ ပစ်ပြီး ဖမ်းခိုင်းတာ။ ရဲက မောင်းတင်ပြီး မပစ်တော့ အဲဒီရဲကို ခွေးသား ၂ ကောင်က ဆဲနေတာ တွေ့တယ်။ ဖမ်းခံရတဲ့ သူတွေတော့ ပိုက်ဆံ ရသလောက် တောင်းပြီး ပြန်လွှတ် ပေးနေတာ
လို့ မျက်မြင်တွေ့သူ တစ်ဦးက ပြောပါတယ်။
ဖမ်းဆီးနေတဲ့ စစ်သား ၂ ဦးကို မိန်းကလေး တစ်ဦးက မုန့်ကျွေး ရေတိုက်နေတာ တွေ့ရပြီး ဆိုင်ကယ် ဖမ်းဆီးရာမှာ သူမက ဦးဆောင်ကာ ပိုက်ဆံတောင်း နေတာ ဖြစ်တယ်လို့ သူကပြောပါတယ်။
ရွှေပြည်သာမြို့နယ်မှာ ဆိုင်ကယ်စီးပြီး နေ့စဉ် လုယက်မှု ကျူးလွန်နေသူတွေ ရှိနေပေမယ့် စစ်ကောင်စီက ဖမ်းဆီးတာတွေ မရှိသလို ပြည်သူတွေထံက ဖမ်းဆီးထားတဲ့ ဆိုင်ကယ်တွေကိုလည်း ရပ်ကွက် အုပ်ချုပ်ရေးမှူးတွေနဲ့ ပေါင်းကာ ရောင်းစားနေတယ်လို့ ဒေသခံတွေက ပြောပါတယ်။
