မဲခေါင်၊ ဇန်နဝါရီ ၂၄
မကွေးတိုင်း၊ ရေစကြိုမြို့နယ်မှာ အာဏာသိမ်း ကာလအတွင်း စစ်ကောင်စီတပ် မီးရှို့ဖျက်ဆီးမှုကြောင့် ပြည်သူ့ နေအိမ် ၂,၀၀၀ နီးပါး မီးလောင်ပျက်စီး ခဲ့တယ်လို့ ရေစကြို ပြည်သူ့အုပ်ချုပ်ရေးအဖွဲ့-ပအဖ က မနေ့က ထုတ်ပြန်ပါတယ်။
လက်ရှိ နေအိမ် မီးရှို့ခံခဲ့ရတဲ့ ပြည်သူအများစု မိမိတို့ ရပ်ရွာအတွင်း နေထိုင်လို့ မရတာကြောင့် စစ်ကောင်စီနဲ့ ပျူစောထီးတွေရဲ့ ရန်မှဝေးရာ အရပ်ေတွေမှာ သွားရောက် နေထိုင် နေကြရတယ်လို့ ဆိုပါတယ်။
“ ၂၀၂၁ ဇွန်လမှ ၂၀၂၂ ဒီဇင်ဘာကုန်ထိ အိမ်တစ်လုံး၏ တန်ဘိုး နားမလည်သော အကြမ်းဖက် အာဏာသိမ်း စစ်တပ်နှင့် အပေါင်းအပါ ပြည်သူ့စစ်၊ ပျူစောထီးများ၏ မီးရှို့ဖျက်ဆီးမှုများကြောင့် မြို့နယ် တစ်ဝှမ်းရှိ ပြည်သူများ၏ နေအိမ် ၁,၉၀၂ လုံး မီးရှို့ ဖျက်ဆီး ခံခဲ့ရသည်” လို့ ရေစကြိုမြို့နယ် ပအဖ ရဲ့ ထုတ်ပြန်ချက်မှာ ဖော်ပြထားပါတယ်။
အခုလို အခြေအနေတွေကြောင့် ဘေးဒုက္ခ ရောက်နေသူတွေကို တတ်နိုင်သလောက် ကူညီထောက်ပံ့ ပေးကြဖို့လည်း ရေစကြို မြို့နယ်-ပအဖ က ပြည်သူလူထုထံ ပန်ကြားထား ပါတယ်။
ဘေးဒုက္ခကြုံနေရတဲ့ ပြည်သူလူထုတွေကို ကူညီပေးလိုသူတွေ အနေနဲ့ ရေစကြိုမြို့နယ် ပြည်သူ့အုပ်ချုပ်ရေး အဖွဲ့သို့ ချိတ်ဆက်လာပါကလည်း လူသားစာနာ ဌာန အနေနဲ့ ကူညီချိတ်ဆက် ဆောင်ရွက်ပေးမှာ ဖြစ်တယ်လို့ မြို့နယ် (ပအဖ) က အသိပေးထားပါတယ်။
ပုံစာ- ရေစကြိုမြို့နယ်ရှိ ကျေးရွာတွေက နေအိမ်တွေကို စစ်ကောင်စီတပ် မီးရှို့ဖျက်ဆီးပြီးနောက် တွေ့ရစဉ်။
ဓာတ်ပုံ-U Waiyan Naing။
MK-003
