မဲခေါင်၊ ဇူလိုင် ၁၉
ကရင်ပြည်နယ်၊ သံတောင်ကြီးမြို့နယ်၊ ယာဒို (ကလေထ စခန်းကုန်း) မှာ စစ်ကောင်စီတပ်နဲ့ ဒေသ ကာကွယ်ရေးတပ်တွေကြား ဇူလိုင်လ ၁၁ ရက်ကစပြီး တိုက်ပွဲတွေ ဖြစ်ပွားနေကာ ကယန်းပြည်သစ်ပါတီက စစ်ကောင်စီကို ကူညီပေးနေတယ်လို့ မြေပြင် ရဲဘော်တွေက ပြောပါတယ်။
“ ယာဒိုမှာ ကယန်းပြည်သစ်က လာလာရှုပ်နေတယ်။ ဇူလိုင်လ ၁၆ ရက် ပစ်တာ ကယန်းပြည်သစ်က ပါတယ်လို့ ယူဆလို့ရတယ်။ နေရာတွေကို သူတို့က ပစ်မှတ်ပေးပြီးလက်နက်ကြီး ထုတာ ရှိတယ်” လို့ သူကပြောပါတယ်။
ယာဒို စခန်းသိမ်းတိုက်ပွဲအတွင်း စစ်ကောင်စီဘက်က ၁၆ ယာက်ထက်မနည်း သေဆုံးတယ်လို့ သိရပြီး ကာကွယ်ရေးတပ်ဘက် ၂ ဦးကျဆုံးကာ ထိခိုက်မိသူ တချို့ ရှိနေတယ်လို့ သိရပါတယ်။
“ကယန်းပြည်သစ်အနေနဲ့ Safe ဇုန် အနေနဲ့ ထားလိုတဲ့ နေရာဖြစ်တော့ အတတ်နိုင်ဆုံး ညှိယူနေတယ်လို့ သိရပါတယ်။ သို့ပေမယ့် စကစ ဘက်ကော၊ တော်လှန်ရေး အင်အားစု ဘက်ကော ကယန်းပြည်သစ်အနေနဲ့ ကြားဝင်ပေးဖို့ အဆင်မပြေဘူးလို့ သိရတယ်။ ကယန်းပြည်သစ် အနေနဲ့ကလည်း ပိတ်မိပြည်သူတွေကို ကယ်ထုတ်ဖို့ ကြိုးစားနေတာပါ။ စကစ ဘက်က တိုက်ပေးတယ်ဆိုတာ မဟုတ်ပါဘူးဗျ” လို့ ကယန်းပြည်သစ်ပါတီ တာဝန်ရှိသူ တစ်ဦးက မဲခေါင်သတင်းကို ပြောပါတယ်။
မြေပြင်မှာ တိုက်ပွဲက ဆက်လက်ပြင်းထန်နေပြီး တိုက်ပွဲသတင်း ဘယ်အဖွဲ့ကမှ တရားဝင် ထုတ်ပြန်တာ မရှိသေးပါဘူး။
“ ကျွန်တော်တို့ ကြားတဲ့သတင်းက မှန်မမှန်တော့ သေချာ မသိသေးဘူးပေါ့နော်။ စစ်ကောင်စီကိုတော့ ကယန်းပြည်သစ်က ရိက္ခါတွေ ပေးနေတယ်လို့လည်း ကြားထားတယ်ပေါ့” လို့ မြေပြင် ရဲဘော် တစ်ဦးက ပြောပါတယ်။
ကယန်းပြည်သစ်ပါတီက စစ်ကောင်စီကို ကူညီပေးနေတယ် ဆိုတဲ့ သတင်းနဲ့ ပတ်သက်ပြီး ဆက်လက် စုံစမ်းနေဆဲ ဖြစ်ပါတယ်။
CJ-004
#MeKongNews
#ယာဒို
#ကယန်းပြည်သစ်ပါတီ
#စခန်းသိမ်းတိုက်ပွဲ
