မနေ့က ညနေ ၃ နာရီ ၄၅ မိနစ်ခန့်က မြိုင်မြို့မရဲစခန်းမှ ရဲတပ်သား မြတ်စိုးကျော်နဲ့ မျိုးမင်းသိန်းတို့ဟာ အရက်သေစာ သောက်စားဖို့ ပြည်သူလူထုထံ တောင်းဆိုစဉ် အနိုင်အထက်ပြုမှု မကြာခဏ ခံနေရတဲ့ အမျိုးသမီး ၂ ဦးက အရက်ထဲ ဆေးခတ်ပြီး သူတို့ကိုယ်တိုင် ရဲတွေနဲ့အတူ သောက်သုံးခဲ့တယ်လို့ သိရပါတယ်။

အဲဒီနောက် ရဲ ၂ ဦးထံမှ G3 သေနတ် တစ်လက်၊ ကျည်တစ်ဘောက်နဲ့ ကျည် ၁၇တောင့်၊ ဖုန်း ၂ လုံး၊ ဓားတစ်ချောင်း ယူဆောင်ပြီး မြိုင်ပြည်သူ့ကာကွယ်ရေးအဖွဲ့ထံ လာရောက် အပ်နှံခဲ့တယ်လို့ သိရပါတယ်။

လက်နက် ၂ လက်နဲ့ ခဲယမ်းအမြောက်အများ ရရှိနိုင်ပေမယ့် အတွေ့အကြုံနည်းပါးတဲ့ မိန်းကလေး‌ တွေဖြစ်နေတာ‌‌ကြောင့် လုံခြုံရေး စိုးရိမ်လို့ လက်နက် တစ်လက်နဲ့ အခြားဆက်စပ် ပစ္စည်းတွေကိုသာ သိမ်းဆည်းနိုင်ခဲ့တာလို့လည်း သိရပါတယ်။

အတူ အရက်သေစာ သောက်စားခဲ့ရတဲ့ အမျိုးသမီး ၂ ဦးဟာလည်း အဆိပ်သင့်ပြီး ဆေးကုသမှုခံယူကာ ကျန်းမာရေး ကောင်းမွန်‌ နေပြီဖြစ်ပြီး ပြည်သူ့ကာကွယ်ရေးအဖွဲ့က စောင့်ရှောက်ထားတယ်လို့လည်း မြိုင်-ပကဖ အဖွဲ့က အသိပေးထားပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)