မဲခေါင်၊ မတ် ၃
မကွေးတိုင်း၊ မြိုင်မြို့နယ်မှာ မတ်လ ၂ ရက်နေ့က စစ်ကောင်စီယာဉ်တန်း မိုင်း ၃ ကြိမ်ဆွဲခံရပြီး စစ်သား ၁၀ ထက်မနည်း ထိခိုက်သေဆုံးခဲ့တယ်လို့ သိရပါတယ်။
မနေ့က မွန်းတည့်ချိန်မှာ ကမ္မမြို့နဲ့ ကန်တော်ကျေးရွာကြားမှာ စစ်ယာဉ်တန်းကို ပထမ အကြိမ် မိုင်းဆွဲ တိုက်ခိုက်ခဲ့ပြီး ကန်တော်ကျေးရွာ အနီးမှာ ဒုတိယ အကြိမ် မိုင်းဆွဲ တိုက်ခိုက်ခဲ့ရာ စစ်သားတွေ ပါတဲ့ ဖောကားကို ထိမှန်ခဲ့ပြီး စစ်သား ၂ ဦး ကားနောက်ဖျားကနေ ကားရှေ့ထိ လွင့်ထွက်သွားတယ်လို့ ဆိုပါတယ်။
တတိယအကြိမ် အဖြစ် အဆိုပါ စစ်ကောင်စီယာဉ်တန်းကို လုံခြုံရေးယူပေးပြီး ပြန်လာတဲ့ စစ်ကားကို မွန်းလွဲ ပိုင်းက ညောင်ဂျစ်ရွာနားမှာ ထမ်မံ မိုင်းဆွဲ တိုက်ခိုက်ခဲ့တယ်လို့ မြိုင် ပကဖ ကဆိုပါတယ်။
မိုင်းဆွဲ တိုက်ခိုက်မှုတွေကြောင့် စစ်ကောင်စီတပ်သား ၁၀ ဦးထက်မနည်း ထိခိုက် သေဆုံးနိုင်ပြီး အတိအကျ သိရဖို့ စုံစမ်းနေတယ်လို့ မြိုင် ပြည်သူ့ကာကွယ်ရေးတပ်ဖွဲ့က ပြောပါတယ်။
အဆိုပါ တိုက်ခိုက်မှုကို ဒေသခံကာကွယ်ရေးတပ်တွေ ဖြစ်တဲ့ မြိုင် ပကဖ တပ်ရင်း (၁)၊ Black Cobra Force အဖွဲ့နဲ့ Thu Rain တပ်ဖွဲ့တို့ ပူးပေါင်းလုပ်ဆောင်ခဲ့တယ်လို့ ထုတ်ပြန်ထားပါတယ်။
မနေ့က စစ်ကောင်စီနဲ့ ပျူစောထီး စစ်ကြောင်းကို တွင်းမရွာနားမှာ ဒရုန်းနဲ့ တိုက်ခိုက်ခဲ့လို့ စစ်ကောင်စီတပ်သား ၂ ဦး နဲ့ ပျူစောထီး တစ်ဦး အပြင်းအထန် ဒဏ်ရာရခဲ့ပြီး ပခုက္ကူဆေးရုံကို ချက်ချင်း တင်လိုက်ရတယ်လို့ သိရပါတယ်။
MK-007
