မဲခေါင်၊ မတ် ၁၀
မြန်မာနိုင်ငံရဲ့ ဒီမိုကရေစီအရေး လှုပ်ရှားမှုတွေကို ကူညီထောက်ပံ့ဖို့ အချက်တွေ ပါဝင်တဲ့ BURMA Act အကောင်အထည်ဖော်ဖို့ အမေရိကန် နိုင်ငံခြားရေးဌာန အတိုင်ပင်ခံ ဒဲရက်ချိုလက်နဲ့ ပြည်ထောင်စု လွှတ်တော် ကိုယ်စားပြု ကော်မတီ-CRPH ဥက္ကဌ ဦးအောင်ကြည်ညွန့် မနေ့က တွေ့ဆုံ ဆွေးနွေးခဲ့တယ်လို့ သူ့ရဲ့ လူမှုကွန်ရက် စာမျက်နှာကနေ အသိပေးလိုက်ပါတယ်။
အာဏာသိမ်း စစ်ကောင်စီကို ခုခံ တော်လှန်နေသူတွေကို ထောက်ပံ့ပေးမဲ့ အချက်တွေ ပါဝင်တဲ့ BURMA Act ကို အမျိုးသား ကာကွယ်ရေး ဥပဒေ-NDAA မှာ ထည့်သွင်းထားပြီး ပြီးခဲ့တဲ့နှစ် ဒီဇင်ဘာ ၁၅ ရက်နေ့က အမေရိကန် သမ္မတ ဂျိုးဘိုင်ဒန်က အတည်ပြု လက်မှတ် ရေးထိုးခဲ့တာပါ။
အဆိုပါ ဥပဒေမှာ စစ်ကောင်စီကို ဆန့်ကျင် တော်လှန်နေကြတဲ့ အဖွဲ့အစည်းတွေကို လက်နက်မဟုတ်တဲ့ နည်းပညာ အကူအညီတွေ၊ CDM တွေကို ထောက်ပံ့ဖို့နဲ့ အမျိုးသား ညီညွတ်ရေး အစိုးရ လည်ပတ်နိုင်ဖို့ ၂၀၂၃ ခုနှစ် အတွင်း အမေရိကန် ဒေါ်လာ ၁၃၆ သန်း အကူပေးမယ်လို့ ပါဝင်ပါတယ်။
အခုလို အမေရိကန် နိုင်ငံခြားရေး အတိုင်ပင်ခံက BURMA Act အကော်အထည်ဖော်ဖို့ CRPH ဥက္ကဌနဲ့ ဆွေးနွေးတာကို စစ်ကောင်စီဘက်က မလိုလားတာကြောင့် ဦးအောင်ကြည်ညွန့်ဟာ ကိုယ်ကျိုးစီးပွားကိုသာ လိုလားပြီး အရင်ကတည်းက လာဘ်စားနေတယ်လို့ စစ်တပ်ဝါဒဖြန့် မီဒီယာတွေက ရေးသားနေပါတယ်။
MK-007
#MeKongNews
#BURMA-Act
#ဒဲရက်ချိုလက်
#ဦးအောင်ကြည်ညွန့်