မဲခေါင်၊ ဇန်နဝါရီ ၁၆
မီတာခတွေ အတင်းအကြပ် ကောက်ခံနေတဲ့ စစ်ကောင်စီ ဒေါက်တိုင် ဆင်မြီးဆွဲ လျှပ်စစ်ရုံးကို သတိပေးတဲ့ အနေနဲ့ မိုင်းခွဲ တိုက်ခိုက်ခဲ့တယ်လို့ Bago Region PDF က ဒီကနေ့ ထုတ်ပြန်ပါတယ်။
ဒီနေ့ မနက် ၃ နာရီ ၂၅ မိနစ်ခန့်က ပဲခူးတိုင်း၊ ပြည်ခရိုင်၊ သဲကုန်းမြို့နယ်၊ ဆင်မြီးဆွဲမြို့က လျှပ်စစ်ရုံးကို မြို့ပြပြောက်ကျားအဖွဲ့က နန်းထိုက်အောင် စစ်ဆင်ရေးအဖြစ် မိုင်းခွဲတိုက်ခိုက် သတိပေးခဲ့တာလို့ သိရပါတယ်။
အဲဒီ တိုက်ခိုက်မှုကြောင့် ရုံးအတွင်း အဆောက်အဦနဲ့ စာရွက်စာတမ်းတွေ၊ ပရိဘောဂတွေ ထိခိုက်ပျက်စီး ခဲ့တယ်လို့ ဆိုပါတယ်။
အဲဒီ လျှပ်စစ်ရုံးဟာ စစ်ကောင်စီရဲ့ ဝင်ငွေရပေါက် ဒေါက်တိုင်ဖြစ်ပြီး ပြည်သူလူထုထံမှ မီတာခတွေ အတင်းအကြပ် ဖိအားပေး တောင်းခံလျက်ရှိတာကြောင့် နန်းထိုက်အောင် စစ်ဆင်ရေးအဖြစ် မြို့ပြပြောက်ကျား ရဲဘော်တွေက သတိပေး ဖောက်ခွဲ တိုက်ခိုက်ခဲ့တာလို့ သိရပါတယ်။
ဒီစစ်ဆင်ရေးမှာ မြို့ပြပြောက်ကျား ရဲဘော်တွေ အထိအခိုက်မရှိ အောင်မြင်စွာ ဆုတ်ခွာနိုင်ခဲ့တယ်လို့ Bago Region PDF က ထုတ်ပြန်ထားပါတယ်။
MK-003
