မဲခေါင်၊ မတ် ၁
တာချီလိတ်မြို့မှာပေါက်ကွဲခဲ့တဲ့ ဗုံး ၅လုံးဆင့်ဖောက်ခွဲမှု သံသယရှိသူဆိုပြီး ထိုင်းနိုင်ငံ၊ မယ်ဆိုင်မြို့မှာ ဖမ်းဆီးခံရတဲ့ လင်မယားဟာ ဖောက်ခွဲမှုနဲ့ လုံးဝသက်ဆိုင်မှုမရှိဘူးလို့ အရှေ့ပိုင်းနဂါးက မတ်လ ၁ရက် ညနေပိုင်းမှာ ရှင်းလင်းပြောဆိုပါတယ်။
ဖမ်းဆီးခံရတဲ့ အသက် ၃၀အရွယ်အမျိုးသားနဲ့ အသက် ၂၂နှစ်အရွယ် အမျိုးသမီးတို့ဟာ ဖောက်ခွဲမှုနဲ့ ဆက်စပ်မှုမရှိတဲ့အပြင် သိတောင်မသိဘူးလို့ အရှေ့ပိုင်းနဂါး တာဝန်ရှိသူတစ်ဦးက မဲခေါင်ကို ပြောပါတယ်။
“ကျနော်တို့ နဲ့လုံးဝမသက်ဆိုင်ပါဘူး။ သူက ဘယ်သူလဲဆိုတာတောင် ကျနော်တို့မသိပါဘူး။ ” လို့ သူက ပြောပါတယ်။
တာချီလိတ်ကြံ့ခိုင်ရေးရုံးအနီး ဗုံး ၅လုံးဆက်တိုက်ပေါက်ကွဲမှုနဲ့ပတ်သက်ပြီး သံသယရှိတဲ့ လင်မယား ၂ဦးကို မတ်လ ၁ရက် ဒီနေ့မှာ ထိုင်းဘက်က ဖမ်းဆီးပြီး တာချီလိတ်ဘက်ကို ပြန်လွှဲပေးလိုက်တာဖြစ်ပါတယ်။
လက်ရှိမှာ တာချီလိတ်မြို့မှာ စစ်ကြောရေးပြုလုပ်နေပြီး ထိုင်းသတင်းဌာနတွေရဲ့ဖော်ပြချက်အရ အမျိုးသားဖြစ်သူဟာ KNU တပ်ဖွဲ့ဝင်ဟောင်းဖြစ်တယ်လို့ ဆိုပါတယ်။ မဲခေါင်သတင်းဌာနအနေနဲ့ အဲဒီအချက်ကို အတည်မပြုနိုင်သေးပါဘူး။
Photo – MGR Online
MK – 004
#MeKongNews
#တာချီလိတ်
#ပေါက်ကွဲမှု
#မယ်ဆိုင်
ဆက်စပ်သတင်း – https://www.facebook.com/MeKongNewsMM/posts/pfbid0xHjfyf1v3di8Grd4q2gRgdEFzfALKfxD24iuZDZ2Q7wKcHXVu8yw3qiPW8XFgUWVl