မဲခေါင်၊ ဖေဖော်ဝါရီ ၁၄
ပဲခူးတိုင်း၊ သာယာဝတီခရိုင်၊ မင်းလှမြို့နယ်၊ စမ်းဘုတ်ကျေးရွာအုပ်စု၊ ကျွန်းကုန်းကျေးရွာမှ ရာအိမ်မှူး ဦးစိုးနိုင်ကို နန်းထိုက်အောင်စစ်ဆင်ရေး အဖြစ် ပစ်ခတ်ရှင်းလင်း ခဲ့တယ်လို့ Bago Region PDF က ဒီကနေ့ ထုတ်ပြန်ပါတယ်။
မနေ့က မနက် ၈ နာရီ ၁၅ မိနစ်မှာ မင်းလှမြို့နယ် ပြည်သူ့ကာကွယ်ရေးတပ်ဖွဲ့နဲ့ သာယာဝတီဂဠုန်တပ်ဖွဲ့တို့ ပူးပေါင်းပြီး သေနတ်နဲ့ ၂ ချက် ပစ်ခတ်ခဲ့တာလို့ သိရပါတယ်။
၂၀၂၂ ခုနှစ်၊ ဇွန်လ ၃ ရက်နေ့မှာ စစ်ကောင်စီက ပဲခူးရိုးမ အတွင်းရှိ မင်းလှမြို့နယ် ပြည်သူ့ကာကွယ်ရေးတပ်ဖွဲ့ရဲ့ စခန်းကို စီးနင်း တိုက်ခိုက်ခဲ့ရာ စခန်းဆုံးရှုံးခဲ့ရပြီး မင်းလှ PDF တပ်ခွဲမှူး ရဲဘော်ရိုးမ ကျဆုံးခဲ့ရတဲ့ ဖြစ်စဉ်မှာ ဦးစိုးနိုင် က စခန်းတည်နေရာကို သတင်းပေးပို့ခဲ့တယ်လို့ သိရပါတယ်။
သူဟာ စစ်ကောင်စီ လက်အောက်ခံ ရာအိမ်မှူးဖြစ်တဲ့အပြင် စစ်ကောင်စီနဲ့ ပူးပေါင်းကာ သစ်ခိုးထုတ်တာ၊ ကျေးရွာနေ ပြည်သူတွေကို ခြိမ်းခြောက်ဆဲဆို ကြိမ်းမောင်းတာ၊ အာဏာပြပြီး အမျိုးမျိုး ဖိနှိပ်တာ တွေကို ဆက်လက် ကျူးလွန်လျက်ရှိတာကြောင့် ပစ်ခတ်ရှင်းလင်းခဲ့တာလို့ သိရပါတယ်။
အဲဒီ စစ်ဆင်ရေးမှာ ရာအိမ်မှူးဦးစိုးနိုင် နေရာမှာ သေဆုံးသွားခဲ့ပြီး သူထံမှ လက်ကိုင်ဖုန်း တစ်လုံးနဲ့ ငွေသား ၁၃၅,၀၀ဝိ ကျပ် သိမ်းဆည်း ရရှိခဲ့တယ်လို့ သိရပါတယ်။
သိမ်းဆည်းရရှိတဲ့ လက်ကိုင်ဖုန်းအတွင်းမှ စစ်ကောင်စီနဲ့ ဆက်စပ်တဲ့ အချက်အလက်တွေကို ဆက်လက် အတည်ပြုနေပြီး တော်လှန်ရေးတပ်ဖွဲ့ဝင်တွေ အထိအခိုက်မရှိ ဆုတ်ခွာနိုင်ခဲ့တယ်လို့ Bago Region PDF က ထုတ်ပြန်ထားပါတယ်။
MK-003
#MeKongNews
#မင်းလှမြို့နယ်
# Bago-Region-PDF
#ရဲဘော်ရိုးမ