မနေ့က ဘုတလင်မြို့နယ် ရွှေတောင်ကျေးရွာ အဝင်မှာ စစ်ကောင်စီတပ်ဖွဲ့တွေ မိုင်းဆွဲ တိုက်ခိုက်ခံရ ပြီးနောက် ဒေသခံ ပြည်သူ ၂ ဦးကို စစ်ကောင်စီတပ်သား တွေက သတ်ဖြတ်သွားတာ ဖြစ်ပါတယ်။
ရွှေတောင်ကျေးရွာမှာ နေတဲ့ ပြည်သူ ၂ ဦးအနက် လေဖြတ်နေသူကို မီးလောင်နေတဲ့ အိမ်အတွင်းသို့ ပစ်ထည့် သတ်ဖြတ်သွားပြီး ကျန်တစ်ဦးကို ရိုက်နှက်ညဉ်းပန်းကာ ညာဘက်ရင်အုံကို သေနတ်နဲ့ပစ်ခတ် သတ်ဖြတ်သွားတာလို့ ဘုတလင်မြို့နယ် သတင်းမှန်ပြန်ကြားရေးမှ သိရပါတယ်။
စစ်ကောင်စီတပ်ဟာ မြောင်မြို့နယ် နဂါးပေါက်ကျေးရွာကို ဇန်နဝါရီ ၁ ရက် မနက် ၁၀ နာရီ ဝန်းကျင်က လက်နက်ကြီးတွေနဲ့ ပစ်ခတ်ကာ ညနေပိုင်းမှာ မီးရှို့ဖျက်ဆီးခဲ့တယ်လို့ မြောင်မြို့နယ် ပြည်သူ့ကာကွယ်ရေးနဲ့ လုံခြုံရေးအဖွဲ့ CDSOM က ထုတ်ပြန်ထားပါတယ်။
အဲဒီလို စီးနင်း မီးရှို့လို့ နဂါးပေါက်ရွာ အပါအဝင် ကျေးရွာ ၄ ရွာနေ ဒေသခံ ပြည်သူ ၆၀၀ နီးပါးဟာ တောထဲမှာ တိမ်းရှောင်နေကြရတယ်လို့လည်း သိရပါတယ်။
