မြန်မာ့နွေဦး

ဖမ်းဆီးခံ ဆီကုန်သည်အသင်းဥက္ကဋ္ဌ ပြန်လွတ်၊ လုပ်ငန်းရှင် အများအပြားကို ဖမ်းဆီးစစ်ဆေးဖို့ စစ်ကောင်စီပြင်ဆင်နေ

မဲခေါင် 31 Aug - 2023
မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း ဥက္ကဋ္ဌ ဦးဆန်းလင်းဟာ ဒီနေ့ သြဂုတ် ၃၁ ရက်မှာ ပြန်လွတ်လာပြီး ကျန်တဲ့ ဆီကုန်သည် ၄ ဦးကိုတော့ ဆက်ဖမ်းဆီးထားတယ်လို့ စားသုံးဆီအသိုင်းအဝန်းနဲ့နီးစပ်သူက မဲခေါင်သတင်းဌာနကို အတည်ပြုပြောဆိုပါတယ်။

မဲခေါင်၊ သြဂုတ် ၃၁

မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း ဥက္ကဋ္ဌ ဦးဆန်းလင်းဟာ ဒီနေ့ သြဂုတ် ၃၁ ရက်မှာ ပြန်လွတ်လာပြီး ကျန်တဲ့ ဆီကုန်သည် ၄ ဦးကိုတော့ ဆက်ဖမ်းဆီးထားတယ်လို့ စားသုံးဆီအသိုင်းအဝန်းနဲ့နီးစပ်သူက မဲခေါင်သတင်းဌာနကို အတည်ပြုပြောဆိုပါတယ်။

ဆီလုပ်ငန်းရှင်များအသင်းဥက္ကဋ္ဌ ဦးဆန်းလင်းနဲ့ ဆီကုန်သည်တွေဖြစ်တဲ့ ဦးအေးစိန်၊ ဦးမြင့်ကြူ၊ ဦးဝမ်ထိုက်၊ ဦးထွန်းထွန်းဝင်း တို့ကို သြဂုတ်လ ၃၀ ရက်နေ့ ညနေပိုင်းက အထူးစုံစမ်းစစ်ဆေးရေးဦးစီးဌာန၊ စစ်ဘက်ရေးရာလုံခြုံရေးအဖွဲ့(စရဖ) က ဖမ်းဆီးလိုက်တာပါ။

“ဥက္ကဋ္ဌ (ဦးဆန်းလင်း)ကတော့ ပြန်လွတ်လာပါပြီ၊ အပေါ်ပိုင်းတွေနဲ့ ပိုင်တော့ အရင်ပြန်လွှတ်ပေးလိုက်တာ” လို့ အမည်မဖော်လိုသူ လုပ်ငန်းရှင်တစ်ဦးက မဲခေါင်သတင်းဌာနကို ပြောပါတယ်။

စားသုံးဆီအသင်းဥက္ကဋ္ဌ ဦးဆန်းလင်းနဲ့ စားသုံးဆီကုန်သည်တွေဟာ မနေ့ သြဂုတ် ၃၀ မနက်ပိုင်းမှာ စစ်ကောင်စီရဲ့ စီးပွားရေးနှင့် ကူးသန်းရောင်းဝယ်ရေးဝန်ကြီးနဲ့ နေပြည်တော်မှာ စားသုံးဆီဈေးနှုန်း ကျဆင်းရေးအတွက် အစည်းအဝေးလုပ်ပြီး ညနေပိုင်းမှာ ဖမ်းဆီးစစ်ဆေးခံခဲ့ရတာပါ။

အဲ့ဒီ့အစည်းအဝေးမှာ ဈေးကွက်အတွင်း စားအုန်းဆီဈေးတွေ မြင့်တက်နေတဲ့အတွက် ဖြစ်သင့်ဖြစ်ထိုက်တဲ့ ဈေးနှုန်းတွေနဲ့သာ ရောင်းချပေးဖို့ စစ်ကောင်စီခန့် စီး/ကူးဝန်ကြီး ဦးအောင်နိုင်ဦး က သတိပေးပြောကြားခဲ့ပါတယ်။

ဈေးကွက်အတွင်းမှာ စားအုန်းဆီတစ်ပိဿာဈေးဟာ ကျပ် ၁၀၀၀၀ ကျော်ပေါက်ဈေးရှိနေပြီး စစ်ကောင်စီဘက်ကတော့ ၄၀၀၀ ကျပ်နဲ့သာ ဆီလုပ်ငန်းရှင်တွေကို ရောင်းချခိုင်းနေတာပါ။ အဲ့ဒီလိုတွေ ဈေးနှုန်းကွဟချက်ကြောင့် အခုလိုဖမ်းဆီးစစ်ဆေးနေတာလို့ မဲခေါင်သတင်းရင်းမြစ်တွေက ပြောပါတယ်။

ဆီကုန်သည်တွေဘက်ကတော့ ပြင်ပဒေါ်လာပေါက်ဈေးနဲ့ ချိန်ညှိရောင်းချနေရတယ်လို့ ပြောကြပါတယ်။ ယခုရက်ပိုင်းအတွင်း ပြင်ပဒေါ်လာ ပေါက်ဈေးဟာ ၃၇၀၀ နဲ့ ၄၀၀၀ ကြားမှာ ရှိပါတယ်။

မြန်မာနိုင်ငံအတွင်း ရောင်းချနေရတဲ့ စားသုံးဆီတွေကို ပြည်ပကနေ ဒေါ်လာနဲ့ဝယ်ယူတင်သွင်းနေရတာပါ။ အဲ့ဒီလို ဒေါ်လာနဲ့ဝယ်ယူနိုင်ဖို့ ကုန်ကျငွေတဝက်ဖြစ်တဲ့ ၅၀ ရာခိုင်နှုန်းကို စစ်ကောင်စီက ဗဟိုဘဏ်ပေါက်ဈေး ကျပ် ၂၁၀၀ နဲ့လဲပေးပါတယ်။

ကျန်တဲ့တဝက် ၅၀ ရာခိုင်နှုန်းကိုတော့ ပြင်ပပေါက်ဈေးထက်နည်းတဲ့ နှုန်းနဲ့ လဲလှယ်ပေးတယ်လို့ စစ်ကောင်စီက ထုတ်ပြန်ထားပါတယ်။

လက်ရှိမှာ စစ်ကောင်စီဟာ ဒေါ်လာယူထားတဲ့ သွင်းကုန်လုပ်ငန်းရှင်တွေကို လိုက်လံဖမ်းဆီးတာတွေရှိနေပြီး စက်သုံးဆီလုပ်ငန်းရှင်အသင်း၊ ဆန်စပါး လုပ်ငန်းရှင်အသင်းနဲ့ ဟင်းသီးဟင်းရွက်လုပ်ငန်းရှင်အသင်းက ကုန်သည်လုပ်ငန်းရှင်တွေကိုပါ ဖမ်းဆီးစစ်ဆေးဖို့ ပြင်ဆင်နေတယ်လို့ မဲခေါင်သတင်းဌာနက သိရပါတယ်။

အဲ့ဒီလိုဖမ်းဆီးနေပေမယ့် ဒေါ်လာအဓိကထား တင်သွင်းနေရတဲ့ စားသုံးဆီနဲ့ စက်သုံးဆီလုပ်ငန်းတွေမှာတော့ စစ်ကောင်စီနဲ့နီးစပ်သူတွေကိုသာ လုပ်ငန်းလုပ်ကိုင်ခွင့် ကျယ်ကျယ်ပြန်ပြန့်ပေးထားတယ်လို့ လုပ်ငန်းရှင်တွေက ဆိုပါတယ်။

အခြေခံကုန်ဈေးနှုန်း ဈေးကွက်အတွင်းမှာ စစ်ကောင်စီရဲ့ စရဖ တွေဟာ မြေပြင်ကွင်းဆင်းပြီး ဘဏ်ငွေအဝင်၊ အထွက်စာရင်းတွေကိုလိုက်လံ စစ်ဆေးတာတွေနဲ့ သတ်မှတ်ဈေးအတိုင်း မရောင်းရင် လုပ်ငန်းတွေ အကုန်ပိတ်သိမ်းမယ်ဆိုပြီး ခြိမ်းခြောက်တာတွေရှိတယ်လို့ မဲခေါင်သတင်းရင်းမြစ်တစ်ဦးက ပြောပါတယ်။

စစ်ကောင်စီက ပြည်ထောင်စု ကုန်ဈေးနှုန်းတည်ငြိမ်ရေးကော်မတီကို သြဂုတ် ၁ ရက်နေ့မှာ ဖွဲ့စည်းခဲ့ပြီး စားသုံးသူရေးရာဦးစီးဌာနက စားသုံးဆီကို ဈေးတင်ရောင်းရင် ဖမ်းမယ်လို့ သြဂုတ် ၂၉ မှာ ထုတ်ပြန်ထားပါတယ်။

စစ်ကောင်စီဟာ သြဂုတ် ၂၂ ရက်မှာ အထူးစုံစမ်းစစ်ဆေးရေးဦးစီးဌာန (စစစ) လက်အောက်မှာ ကုန်ဈေးနှုန်းကျဆင်းရေးအတွက် Task Force ကို ဖွဲ့စည်းမယ်လို့ သတင်းတွေပေါက်ကြားပြီးနောက် ရွှေ၊ ဒေါ်လာနဲ့ ဆီလုပ်ငန်းရှင်တွေကို ဖမ်းဆီးစစ်ဆေးတာတွေ ဆက်တိုက်ပြုလုပ်လာတာပါ။

MK-006

#MeKongNews

#စားသုံးဆီ

#ဥက္ကဋ္ဌ

#ပြန်လွတ်

#စစ်ကောင်စီ

#ဒေါ်လာ

#ဖမ်းဆီး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now

Related News

စစ်ရေးသတင်း ဒေသတွင်းသတင်း မြန်မာ့နွေဦး

ဝိုင်းမော်မြို့နယ်အတွင်းက စစ်ကောင်စီ စခန်း(၈)ခုကို နှစ်ရက်အတွင်း KIA နဲ့ ပူးပေါင်းတပ်ဖွဲ့တွေ သိမ်းပိုက်

ကချင်ပြည်နယ်၊ ဝိုင်းမော်မြို့နယ် အတွင်းက စစ်ကောင်စီစခန်း(၈)ခုကို KIA နဲ့ ပူးပေါင်း တပ်ဖွဲ့တွေက သိမ်းပိုက်ထားတယ်လို့ KIA ရှေ့တန်းနဲ့ နီးစပ်သူတွေ
စစ်ရေးသတင်း ဒေသတွင်းသတင်း မြန်မာ့နွေဦး

ဝိုင်းမော်မြို့‌နယ်က စစ်ကောင်စီ စခန်း တချို့ ကို KIA နဲ့ PDF ပူးပေါင်းအဖွဲ့ က ထပ်မံသိမ်းပိုက်

ကချင်ပြည်နယ်၊ ဝိုင်းမော်မြို့‌နယ်က စစ်ကောင်စီ စခန်း တချို့ ဒီနေ့ မတ်လ ၁၈ ရက်နေ့ နေ့ခင်းမှာ KIA နဲ့

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

“ ဝ” တပ်ဖွဲ့နဲ့ SSPP ပေါင်းပြီး RCSS ကိုတိုက်ခိုက်တယ်လို့ ထုတ်ပြန်၊ “ဝ” ရော SSPP ပါ စစ်ကောင်စီနဲ့ ပေါင်းတာမရှိဘူးလို့ သတင်းရင်းမြစ်တွေ တုံ့ပြန်

ရပ်စောက်မြို့နယ်ထဲက RCSS စစ်စခန်းတွေကို "ဝ"တပ်ဖွဲ့၊ SSPP နဲ့ စစ်ကောင်စီ‌တပ် ပေါင်းပြီး တိုက်ခိုက်နေတယ်လို့ RCSS ရဲ့ အာဘော်အမြဲဖေါ်ပြနေတဲ့ Tai Freedom ရှမ်းဘာသာနဲ့ ရေးသားထုတ်ပြန်တဲ့ စာမျက်နှာက ဒီနေမှာ ထုတ်ပြန်ပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

စစ်တပ်အုပ်ချုပ်ရေး လည်ပတ်ဖို့ ကြိုးစားနေတဲ့ လွိုင်ကော်မှာ တိုက်ပွဲတွေ ပြန်ဖြစ်နိုင်တယ်လို့ ဆို

စစ်ကောင်စီက အုပ်ချုပ်ရေးယန္တရား ပြန်လည်ပတ်ဖို့ကြိုးစားနေတဲ့ ကရင်နီပြည်(ကယားပြည်နယ်) မှာ တကျော့ပြန်တိုက်ပွဲတွေ ပြန်ဖြစ်ပွားနိုင်တယ်လို့ တော်လှန်ရေးအဖွဲ့တွေက ပြောကြပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

ကူမင်းဆွေးနွေးပွဲ စစ်ကောင်စီရဲ့တဖက်သတ်တောင်းဆိုမှုကြောင့် ပွဲပျက်

တရုတ်ရဲ့ တောင်းဆိုမှုအရ စစ်ကောင်စီနဲ့ မြောက်ပိုင်းမဟာမိတ် ၃ဖွဲ့အကြားပြုလုပ်တဲ့ ကူမင်းဆွေးနွေးပွဲဟာ စစ်ကောင်စီရဲ့ တဖက်သတ်တောင်းဆိုမှုတွေကြောင့်ပွဲပျက်သွားတယ်လို့ မြောက်ပိုင်း ၃ဖွဲ့နဲ့ နီးစပ်တဲ့ သတင်းအရင်းမြစ်က မဲခေါင်ကိုပြောပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

ဖားဆောင်း PDF အပတ်စဉ် (၁၀) သင်တန်းဆင်းပွဲ ပြုလုပ်

ကရင်နီပြည်နယ် လွတ်မြောက်နယ်မြေ တစ်နေရာမှာ ဖားဆောင်းပြည်သူ့ကာကွယ်ရေးတပ်(PPDF) တပ်ရင်းအမှတ် ၁၁၀၈ ရဲ့ အခြေခံ စစ်သင်တန်းဆင်းပွဲကို ပြုလုပ်ခဲ့တယ်လို့ ဒီနေ့ မေ ၁၇ ရက်နေ့ ထုတ်ပြန်ချက်အရ သိရပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

မိုးမောက်နဲ့ မံစီမြို့နယ်မှာ တိုက်ပွဲ ပြင်းထန်နေပြီး နေအိမ်တွေ မီးလောင်

ကချင်ပြည်နယ်၊ ဗန်းမော်ခရိုင် မိုးမောက် နဲ့ မံစီ မြို့နယ်တွေမှာ ဒီ‌နေ့ မေလ ၁၇ ရက်နေ့မှာလည်း တိုက်ပွဲ ပြင်းထန်နေပြီး လေကြောင်းနဲ့ လက်နက်ကြီး တွေကြောင့် နေအိမ် တချို့ မီးလောင် ‌သွားကြောင်း ဒေသခံတွေဆီက

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
စစ်ရေးသတင်း ဒေသတွင်းသတင်း မြန်မာ့နွေဦး

သိန္နီမြို့က စစ်ရှောင်ကလေးတွေ ပညာသင်ကြားဖို့ ခက်ခဲနေ

ရှမ်းပြည်မြောက်ပိုင်း MNDAA သိမ်းပိုက်နယ်မြေအတွင်းက စစ်ဘေးရှောင်ကလေးတွေအနေနဲ့ ပညာသင်ကြားဖို့ အခက်အခဲတွေဖြစ်နေတယ်လို့ စစ်ဘေးရှောင်နေသူတွေဆီက သိရပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now