မဲခေါင်၊ ဒီဇင်ဘာ ၁၁

အပြည်ပြည်ဆိုင်ရာ လူ့အခွင့်အရေးနေ့ ဒီဇင်ဘာ ၁၀ ရက်နေ့မှာ အမေရိကန်ပြည်ထောင်စု၊ နယူးယောက်မြို့လယ်မှာ “လူ့အခွင့်အရေးတွေ ပြန်ရဖို့ စစ်အာဏာရှင်ကို အမြစ်ဖြတ်စို့” ခေါင်းစဉ်နဲ့ ဆန္ဒပြပွဲကို New York City Burmese Community (NYBC) က ဦးဆောင်ပြုလုပခဲ့ပါတယ်။

အကြမ်းဖက်မှုတွေ ချက်ချင်းရပ်ပြီး စစ်ဘေးရှောင်းစခန်းအပါအဝင် အရပ်သားပြည်သူတွေရဲ့ အသက်အိုးအိမ်များကို စစ်တပ်ကလေယာဉ်နဲ့ ဗုံးကြဲသတ်ဖြတ်နေမှုအပေါ် ကုလသမဂ္ဂအပါ နိုင်ငံတကာမှ ပိတ်ဆို့ ကန့်ကွက်အရေးယူပေးဖို့ ဆန္ဒပြတောင်းဆိုကြပါတယ်။

စစ်တပ်ကို ခုခံတိုက်ခိုက်နေတဲ့ ပြည်သူ့ကာကွယ်ရေးတပ် (PDF) နဲ့ တိုင်းရင်းသားညီအစ်ကိုများရဲ့ ခုခံကာကွယ်ရေးတပ်ဖွဲ့များ အောင်ပွဲအလီလီရရှိနိုင်ရန်အတွက် အောင်သပြေလှုပ်ရှားမှုကိုလည်း တစ်ပါတည်းပြုလုပ်ခဲ့ပါတယ်။

ဒေါ်အောင်ဆန်းစုကြည်နဲ့ မတရားဖမ်းဆီးခံထားရသူများ ချက်ချင်းလွှတ်ပေးရေး၊ ယုံကြည်ချက်ကြောင့် သေဒဏ်ချမှတ်ခံထားရတဲ့ ကျောင်းသားပြည်သူများနဲ့ တစ်သားတည်းရပ်တည်ကြောင်း၊ အမျိုးသမီးအခွင့်အရေး မြှင့်တင်ရေး၊ ကလေးသူငယ်အခွင့်အရေး ကာကွယ်စောင့်ရှောက်ရေး စတဲ့တို့ကို တက်ရောက်လာသူတွေက တင်ပြဆွေးနွေးခဲ့ကြပါတယ်။

အဲ့ဒီဆန္ဒပြပွဲကို နယူးယောက်ဒေသခံ မြန်မာအများအပြားတက်ရောက်ခဲ့ကြတယ်လို့ သိရပါတယ်။

#MeKongNews

#လူ့အခွင့်အရေး

#နယူးယောက်

#မြန်မာ

#တောင်းဆို

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)