(၇၅)နှစ်မြောက် လွတ်လပ်ရေးနေ့အထိမ်းအမှတ်အဖြစ် တောင်လေးလုံးအကျဉ်းထောင်မှာ အကျဉ်းကျခံနေရသူတွေအနက် ပြစ်ဒဏ်လွတ်ငြိမ်းခွင့်ရသူ မြန်မာနိုင်ငံသား ၂၄ ဦးကို စစ်ကောင်စီက ဒီကနေ့ပြန်လွတ်ပေးခဲ့တာ ဖြစ်ပါတယ်။
အဲဒီအမျိုးသမီး ၂၄ ဦးအနက် နိုင်ငံရေးအကျဉ်းသားအဖြစ် ပုဒ်မ ၅၀၅(ခ)နဲ့ ထောင်ဒဏ်ချမှတ်ခံထားသူ ၁၀ ဦးကျော်ပါဝင်လာတယ်လို့ သိရပေမယ့် ပြန်လည်လွတ်မြောက်လာတဲ့ အမျိုးသားဦးရေကိုတော့ မသိရသေးပါဘူး။
ရှမ်းပြည်နယ်အရှေ့ပိုင်း၊ ကျိုင်းတုံမြို့၊ ကျိုင်းတုံအကျဉ်းထောင်ကနေ အကျဉ်းသူ/သား ၄၈ ဦး ပြန်လွတ်လာပေမယ့် နိုင်ငံရေးအကျဉ်းသူဖြစ်တဲ့ မမီဆောတစ်ဦးသာ ပါဝင်တယ်လို့ သိရပါတယ်။
နိုင်ငံတဝန်းလုံးရှိ အကျဉ်းထောင်အသီးသီးမှ လူဦးရေ ၇၀၁၂ဦးကို ဒီကနေ့မှာ ပြစ်ဒဏ်လွတ်ငြိမ်းခွင့်ပေးကြောင်း စစ်ကောင်စီက ကြေညာထားပြီး ရှမ်းပြည်နယ်မြောက်ပိုင်း၊ လားရှိုးအကျဉ်းထောင်ကနေလည်း အမျိုးသား ၇၄ ဦး၊ အမျိုးသမီး ၂၇ ဦး ပြန်လည်လွတ်မြောက်လာတယ်လို့ သိရပါတယ်။
