တောင်ကြီးမြို့၊ မင်္ဂလာဦးရပ်နေ မအေးသွယ်(ခ) မအေးအေးစိုး ဟာ စစ်ခေါင်းဆောင် မင်းအောင်လှိုင်ပုံနဲ့ ပြုလုပ်ထားတဲ့ ခြေသုတ်ဖျာ ရောင်းချ ရန်ပုံငွေ ရှာဖွေတဲ့ပို့စ်မှာ တောင်ကြီးမြို့မှာ ဝယ်ယူလို့ ရ၊ မရ မေးမြန်းထားတာကို စစ်လော်ဘီ ဟန်ငြိမ်းဦး တယ်လီဂရန်ချန်နယ်မှာ တင်ပြီး သူမကို ဖမ်းဆီးဖို့ တိုက်တွန်းပြီးနောက် စစ်ကောင်စီက ဖမ်းဆီးခဲ့တာဖြစ်ပါတယ်။
ဖမ်းဆီးရာမှာ မအေးအေးစိုး အပါအဝင် ပဲခူးမြို့မှ အမျိုးသား ၂ ဦး၊ သင်္ဃန်းကျွန်းမြို့နယ်မှ အမျိုးသား တစ်ဦးနဲ့ သရက်မြို့မှ အမျိုးသမီး တစ်ဦး တို့ကို အကြမ်းဖက်မှု တိုက်ဖျက်ရေး ဥပဒေပုဒ်မ ၅၂(က)၊ ပုဒ်မ ၁၂၄-ကနဲ့ ပုဒ်မ ၅၀၅-က၊ အီလက်ထရောနစ် ဥပဒေ ပုဒ်မ ၃၃ (က) တို့နဲ့ အမှုဖွင့်ထားတယ်လို့ စစ်ကောင်စီက ထုတ်ပြန်ထားပါတယ်။
ပြီးခဲ့တဲ့ ၂၀၂၂ ခုနှစ်ကလည်း ကလောမြို့နယ်မှ အမျိုးသား တစ်ဦး၊ ကျိုင်းတုံမြို့မှ တစ်ဦး၊ လားရှိုးမြို့မှ ၃ ဦး၊ တာချီလိတ်မြို့နယ်က ၂ ဦးနဲ့ တောင်ကြီးမြို့နေ Ko Aung အကောင့်ပိုင်ရှင် ဝင်းထိန်ဦး (ခ) ကိုအောင်တို့ အီလက်ထရောနစ် ဥပဒေနဲ့ ဖမ်းဆီးခံခဲ့ရပါတယ်။
