မဲခေါင်၊ ဇွန် ၁၃
စစ်တပ်က မတရားအာဏာသိမ်းမှုကြောင့် ပျက်စီးယိုယွင်းနေတဲ့ တိုင်းပြည်ရဲ့ အခြေအနေကို အပြောင်းအလဲ ဖြစ်ပေါ်စေလိုတဲ့ ကရင်နီပြည်ကြားကာလ အုပ်ချုပ်ရေးကောင်စီ- IEC ရဲ့ရည်ရွယ်ချက်ကို ထောက်ခံကြိုဆိုတယ်လို့ ပအို၀်းအမျိုးသား ဖက်ဒရယ်ကောင်စီ-PNFC က မနေ့က ပေးပို့တဲ့ ဂုဏ်ပြုသ၀ဏ်လွှာမှာ ပြောဆိုထားပါတယ်။
ကရင်နီ ပြည်သူတွေရဲ့ ရည်မှန်းချက်ဖြစ်တဲ့ စုပေါင်းခေါင်းဆောင်မှုနဲ့ ကြားကာလ အုပ်ချုပ်ရေး တည်ထောင်ဖို့၊ ဥပဒေပြုရေး၊ အုပ်ချုပ်ရေး၊ တရားစီရင်ရေး ကိစ္စရပ်တွေ အပြန်အလှန် ညှိနှိုင်းဆောင်ရွက်ဖို့နဲ့ အင်အားစုအသီးသီး ပူးပေါင်းဆောင်ရွက်နိုင်ဖို့ ကရင်နီကြားကာလ အုပ်ချုပ်ရေးကောင်စီကို တည်ထောင်နိုင်ခဲ့တဲ့ အတွက် ၀မ်းသာပြီး ဖက်ဒရယ် ပြည်ထောင်စုပေါ်ပေါက်ရေး အတွက် အရေးကြီးတဲ့ ယန္တယား တစ်ခု စိုက်ထူနိုင်ခဲ့တာ ဖြစ်တယ်လို့ဆိုပါတယ်။
ပြည်ထောင်စု အနေနဲ့ တည်ငြိမ်ပြီး ပြည်နယ်အုပ်ချုပ်ရေး စီမံခန့်ခွဲမှု အခွင့်အာဏာ မှန်သမျှ ပြည်သူ လက်ထဲမှာသာ ရှိတယ်လို့ဆိုတဲ့ ကရင်နီပြည်ရဲ့ အနာဂတ် ရည်မှန်းချက်နဲ့ အညီ ကရင်နီပြည် ကြားကာလ အုပ်ချုပ်ရေးကောင်စီ တည်ထောင်လိုက်တာကို ဂုဏ်ပြုပြီး ရည်မှန်းချက်တွေ အောင်မြင်ပါစေလို့ ဆုတောင်းပေးထားကာ ပအို၀်းပြည်သူတွေကလည်း ပူးပေါင်းဆောင်ရွက်သွားမှာဖြစ်တယ်လို့ PNFC က သ၀ဏ်လွှာမှာဖော်ပြထားပါတယ်။
လက်ရှိ ကရင်နီ တော်လှန်ရေး အောင်မြင်ခြင်းနဲ့ အတူ ကရင်နီ ကြားကာလ အုပ်ချုပ်ရေးအဖွဲ့-IEC ရဲ့ နိုင်ငံရေး ရည်မှန်းချက်တွေလည်း ပြည့်စုံ အောင်မြင်ပါစေလို့ ပအို၀်းအမျိုးသား ဖက်ဒရယ်ကောင်စီ-PNFC က ဆုတောင်းပေးထားပါတယ်။
MK-007
#MekongNews
#ပြည်ထောင်စု
#PNFC
#IEC