မနေ့ ဇန်နဝါရီ ၅ ရက် ည ၉ နာရီ ဝန်းကျင်က ပေါက်ကွဲမှု ဖြစ်ခဲ့တာ ဖြစ်ပြီး အဆိုပါ တိုက်ခိုက်မှုကို Freeland Attack Force-FLA ၊ Emerald Girls Army-EGA နဲ့ Revolution of 21 Century အဖွဲ့တို့ ပူးပေါင်း တိုက်ခိုက်ခဲ့တာလို့ ထုတ်ပြန်ထားပါတယ်။
ဒီနေ့ မနက်ပိုင်းကလည်း ဖောက်ခွဲမှု အတွက် ပစ္စည်းက အဆင်မပြေတော့ မပေါက်ခဲ့ဘူး။ ညပိုင်း ဖောက်ခွဲမှုကတော့ အောင်မြင်တယ်။ ဒါပေမယ့် အသံကတော့ သိပ်မကျယ်ဘူး။ စစ်ခွေး တစ်ကောင် တရားရုံးက အထွက်မှာ ဆော်လိုက်တာ
လို့ မြေပြင်မှာ လှုပ်ရှားနေတဲ့ တော်လှန်ရေး ရဲဘော် တစ်ဦးက ပြောပါတယ်။
ဗုံးပေါက်ကွဲမှု ဖြစ်ပွားပြီးနောက် စစ်ကောင်စီတပ်က ကျိုက္ကဆံလမ်း အာယုဆေးရုံအနီး အဝေရာ တစ်ဝိုက် အရံ အတားများနဲ့ လမ်းရဲ့ သုံးပုံတစ်ပုံအထိ ပိတ်ဆို့လိုက်တယ်လို့ မျက်မြင်တွေ့သူ တစ်ဦးက ပြောပါတယ်။
ဒါ့အပြင် စစ်တပ်က ၁၁၅ လမ်းမှာ လမ်း ၂ ဖက်လုံးကို ပိတ်ကာ ယာဉ်တွေကို စစ်ဆေးခဲ့ပြီး မအူကုန်း ၁၃၅ လမ်း အတွင်း ဧည့်စာရင်း ဝင်ရောက် စစ်ဆေးခဲ့ပေမယ့် ဖမ်းဆီးခံရသူ မရှိဘူးလို့ ဒေသခံတွေက ပြောပါတယ်။