မဲခေါင်၊ မတ် ၂၄
ရှမ်းအရှေ့ တာချီလိတ်မြို့နဲ့ ထိုင်းနိုင်ငံ မယ်ဆိုင်မြို့နယ်စပ်မှာ လေထုအရည်အသွေးဆိုးရွားမှုဟာ အဆိုးဆုံးအခြေအနေကို ရောက်နေတယ်လို့ ဒေသခံတွေထံက သိရပါတယ်။
ဒီနေ့ မတ်လ ၂၄ရက်မနက်ပိုင်းမှာ လေထုထဲမှာ မီးခိုးမြူထူထပ်မှု ဆိုရွားနေပြီး မျက်စိစပ်တာကို သိသိသာသာခံစားရတယ်လို့ တာချီလိတ်ဒေသခံတစ်ဦးက ပြောပါတယ်။
“ပါလျံကနေ ဝမ်ကောင်းထိ ဆိုင်ကယ်မောင်းလာတာ မျက်မှန်လည်းပါတယ် ဒါပေမဲ့ မျက်လုံးစပ်တယ်” လို့ သူကပြောပါတယ်။
မယ်ဆိုင်မြို့ဘက်မှာလည်း လေထုအရည်အသွေးဆိုးရွားမှုကို သိသိသာသာခံစားရပြီး ဒီမနက်မှာ မယ်ဆိုင်စည်ပင်က လေထုထဲ ရေမှုန်ရေမွှားပက်ဖြန်း တာတွေလုပ်ဆောင်နေတယ်လို့ မယ်ဆိုင်ဘက်မှာနေထိုင်သူတစ်ဦးကပြောပါတယ်။
မယ်ဆိုင်ဘက် လေထုအရည်အသွေးတိုင်းတာရေးစခန်းတွေရဲ့ ဖော်ပြချက်အရ ဒီမနက်မှာ မယ်ဆိုင်မြို့က လေထုအရည်အသွေးဟာ ၅၀၀ပတ်ချာလည်မှာရှိနေပြီး ဒီအခြေအနေဟာ ကျန်းမာရေးအတွက် အဆိုးရွားဆုံး အခြေအနေလည်း ဖြစ်ပါတယ်။
မယ်ဆိုင်ဘက်က ကျန်းမာရေးတာဝန်ရှိသူတွေကတော့ အပြင်ထွက်ရင် မဖြစ်မနေ နှာခေါင်းစည်း တပ်ဆင်ဖို့ အကြံပြုထားပါတယ်။
MK – 004
#MeKongNews
#တာချီလိတ် #မယ်ဆိုင် #လေထုညစ်ညမ်းမှု
