မဲခေါင်၊ ဇန်နဝါရီ ၂၃
စစ်ကိုင်းတိုင်း၊ ဆားလင်းကြီးမြို့နယ် အတွင်းရှိ ဈေးတစ်ခုမှာ ဒီကနေ့ မနက်ပိုင်းက အညာပစ်တိုင်းထောင်လေးများအဖွဲ့မှ ဦးဆောင်ပြီး စစ်ကောင်စီရဲ့ တရားမဝင် ရွေးကောက်ပွဲ ဆန့်ကျင်ရေး လက်ကမ်းစာစောင် တွေကို လူထုထံ ဖြန့်ဝေခဲ့ကြတယ်လို့ သိရပါတယ်။
အဲဒီ လက်ကမ်းစာစောင်ကို မြန်မာတစ်နိုင်ငံလုံးဆိုင်ရာ သပိတ်အင်အားစုများ ပေါင်းစပ်ညှိနှိုင်းရေး ကော်မတီ -GSCB မှ ထုတ်ဝေတာ ဖြစ်ပြီး ဈေးသူ၊ ဈေးသားတွေနဲ့ ပြည်သူတွေကို လိုက်လံဝေငှကာ စစ်ကောင်စီရဲ့ တရားမဝင် ရွေးကောက်ပွဲကို ဆန့်ကျင် သပိတ်မှောက်ကြဖို့ လှုံ့ဆော်ခဲ့ကြပါတယ်။
ဒါ့အပြင် “ ဆိတ်ခေါင်းချိတ်ပြီး ခွေးသားရောင်းတဲ့ ရွေးကောက်ပွဲ” ဆိုတဲ့ ဘန်နာကို ကိုင်ဆောင်ပြီး စစ်ကောင်စီရဲ့ အတုအယောင် ရွေးကောက်ပွဲကို ဆန့်ကျင် ဆန္ဒထုတ်ဖော် ခဲ့ကြတယ်လို့ သိရပါတယ်။
ဓာတ်ပုံ – အညာပစ်တိုင်းထောင်လေးများအဖွဲ့။
MK-003