မဲခေါင်၊ ဇန်နဝါရီ ၁၈
စစ်ကောင်စီ တပ်သားတစ်ဦး လက်နက်ချ အလင်းဝင်ရောက် လာတယ်လို့ ကရင်အမျိုးသား လွတ်မြောက်ရေး တပ်မတော်-KNLA တပ်မဟာ (၅) က ဒီကနေ့ ထုတ်ပြန်ပါတယ်။
ဇန်နဝါရီ ၁ ရက်နေ့က ခမရ (၄၃၄) မှ တပ်သား ချစ်ကောင်း ဟာ MA-1 တစ်လက်၊ ကျည်ဘောက် ၂ ခု၊ ကျည်ဆံတွေနဲ့အတူ လက်နက်ချ အလင်းဝင်လာတာ ဖြစ်တယ်လို့ သိရပါတယ်။
စစ်ကောင်စီ ခေါင်းဆောင်တွေနဲ့ တပ်ဖွဲ့ဝင်တွေ အားလုံးဟာ ပြည်သူလူထုရဲ့ အခွင့်အရေးတွေကို ဆန့်ကျင် ချိုးဖောက်တာကြောင့် အခုလို အလင်းဝင်လာတာ ဖြစ်တယ်လို့ တပ်သားချစ်ကောင်းက ပြောဆိုပါတယ်။
“ ကျွန်တော် တပ်ထဲမှာနေတဲ့ အချိန်မှာ ခေါင်းဆောင်တွေက ကျနော့်ကို ဆူကြဟောက်ကြတဲ့အပြင်၊ ထိုးကြိတ် ရိုက်နှက်ကြတယ်။ အပြင်သွားဖို့ လာဖို့လည်း ခွင့်မပြုကြဘူး။ ခေါင်ဆောင်တွေက ကျွန်နော်တို့နဲ့ စကားပြောဆို ဆက်ဆံတာ မလုပ်ကြသလို တပ်သားတွေကို အစာရေစာ ဝအောင် မကျွေးဘူး” လို့ သူက ပြောပါတယ်။
အလင်းဝင်လာတဲ့ တပ်သားချစ်ကောင်းကို ကောင်းမွန်စွာ ကြိုဆိုလက်ခံပြီးတော့ လွတ်မြောက်နယ်မြေကို ပို့ဆောင်ခဲ့တယ်လို့ ထုတ်ပြန်ချက်မှာ ဖော်ပြခဲ့ပါတယ်။
အရင်ကလည်း ရှေ့တန်းရောက် စစ်ကောင်စီတပ်သားတွေ KNLA တပ်မဟာ(၅)ထံ လက်နက်နဲ့ အလင်းဝင်ခဲ့တဲ့ ဖြစ်စဉ်တွေ ရှိခဲ့ပါတယ်။
MK-003
