မဲခေါင်၊ မေ ၂၇
စစ်ကောင်စီက ငွေအသွင်းအထုတ်များတဲ့ K Pay အကောင့်တွေကို ဒုတိယအကြိမ် ပိတ်ဆို့နေပြီး တော်လှန်ရေးအားကောင်းတဲ့ ဒေသတွေကို ငွေအလွဲအပို့ရှိတဲ့ အကောင့်တွေကို ဦးတည်ချက်ထားပိတ်ဆို့နေတယ်လို့ K Pay အသုံးပြုသူများထံကသိရပါတယ်။
စစ်ကောင်စီက ပြီးခဲ့နှစ်ကုန်ပိုင်းက ငွေလွဲအကောင့်များအား ပိတ်ဆို့မှုတွေလုပ်ခဲ့ကာ အသုံးပြုသူတွေ အခက်ခဲတွေဖြစ်ပေါ်ခဲ့ပြီး အခုထပ်မံကာ မေလ နောက်ဆုံးအပတ်ကစတင်ကာ အကောင့်ပိတ်ဆို့မှု လုပ်လာတာကြောင့် ဝေဖန်မှုတွေမြင့်တက်နေတာလည်းဖြစ်ပါတယ်။
အဲ့ဒီပိတ်ဆို့မှုတွေကြောင့် ငွေအဝင်အထွက်များတဲ့ လုပ်ငန်းများ ၊ အွန်လိုင်းရှော့ လုပ်ငန်းများမှာ မှားယွင်းအပိတ်ခံထားရပြီးအကောင့်ပြန်လည်အသုံးပြုလိုပါက စစ်ကောင်စီလက်အောက်ခံ ဗဟိုဘဏ်ကို အသနားခံစာတင်ပြကာ စစ်ဆေးမှုတွေခံနေရတယ်လို့လည်း သိရပါတယ်။
“သူတို့က တော်လှန်ရေးအားကောင်းတဲ့နေရာတွေကို ငွေလွဲ၊ငွေပို့ထားတဲ့အကောင့်တွေကို ရွေးပိတ်တာ၊ အကောင့်ပြန်ဖွင့်ချင်ရင် အသနားခံစာတင်ပြီးသူတို့စာရင်းစစ်မယ် တစ်ခုခုမှားယွင်းရှိရင်တန်းဖမ်းမယ်ဆိုတဲ့သဘော၊ တစ်ချိူ့အလူုငွေပေးထားတာမျိူးရှိတဲ့သူတွေက အကောင့်ထဲ့ကငွေတွေဆုံးရှုံးမယ့် ပုံစံဖြစ်နေတယ်၊ အခုထိ စစ်ဆေးတာတွေဘဲလုပ်နေတယ် အကောင့်ပြန်မပွင့်သေးဘူး” လို့ K Pay အသုံးပြုပြီး အွန်လိုင်းရှော့လုပ်ကိုင်နေသူတစ်ဦးကဆိုပါတယ်။
စစ်ကောင်စီက ငွေအသွင်းအထုတ်များပြားတဲ့ မသင်္ကာတဲ့ အကောင့်တွေကိုချိတ်ပိတ်ထားပြီး ကမ္ဘောဇဘဏ်ဘက်မှလည်း ဗဟိုဘဏ်ရဲ့ ညွန်ကြားချက်ဖြစ်တာကြောင့် သူတို့နဲ့သက်ဆိုင်မှုမရှိဘူးလို့လည်း ပြောဆိုထားပါတယ်။
“မှားပိတ်ခံရတဲ့သူတွေက အလုပ်တွေနှောင်နှေးတယ်၊ အခက်ခဲတွေဖြစ်တာပေါ့ ၊ ကမ္ဘောဇဘဏ်ကလည်း သူတို့မသိဘူး ဗဟိုဘဏ်ခိုင်းလို့လုပ်ကတာ ဟိုမှာ သွားရှင်းလို့ပြောတယ် ဒီလိုမျိူးက ဘယ်နိုင်ငံမှာမှမရှိဘူး ၊အချက်အလက်မခိုင်လုံဘဲမလုပ်သင့်ဘူး” လို့ နောက်ထပ် K Pay အသုံးပြုသူကပြောပါတယ်။
စစ်ကောင်စီဘက်က K Pay အကောင့် ပိတ်ခံရသည်ဆိုတဲ့ သတင်းများ ထပ်မံပေါ်ထွက်လာတာကြောင့် အေးဂျင့်ဆိုင်တွေ K Pay ဖြင့် ငွေပေးချေမှု လက်ခံသော ဈေးဆိုင်တချို့မှာ အကောင့်ပိတ်ခံရမည် စိုးရိမ်လို့ ဝန်ဆောင်မှု ရပ်ဆိုင်းတာတွေရှိနေတယ်လို့လည်း သိရပါတယ်။
MK – 006
#MeKongNews
#Kpay
#တော်လှန်ရေးအကောင့်