အဆိုပါ ဖမ်းဆီးမှုတွင် စစ်ကား ၂ စီး၊ ရဲကား တစ်စီးနဲ့ အရပ်ကား တစ်စီးတို့မှာပါတဲ့ စစ်တပ်နဲ့ လက်ပါးစေတွေဟာ သေနတ်၊ သံတုတ်များ ကိုင်ဆောင်ထားကာ ရပ်ကွက်အုပ်ချုပ်ရေးမှူးနဲ့ ရပ်ကွက် စာရေးတို့နဲ့ အတူ ထွက်ပြေးရင် ပစ်လို့ အော်ဟစ် ဖမ်းဆီးခဲ့တာလို့ သူကပြောပါတယ်။
အဲ့တိုက် တစ်လုံးထဲကို ဝင်ရှာပြီး စစ်တာ။ ၁၀ နာရီခွဲ အကျော်လောက်က စစ်တာ ၁၁ ကျော်မှ ပြန်ဆင်းသွားတာ။ အသက် ၁၆ နှစ်အရွယ် တစ်ယောက်နဲ့ လူငယ် ၂ ယောက် ၃ ယောက်တော့ ဖမ်းသွားတယ်။ ဖမ်းတဲ့အထဲက စစ်ခွေး အကောင်ကြီး တစ်ကောင်က ထွက်ပြေးတာ တွေ့တာနဲ့ ပစ်သတ်လို့ အော်နေသေးတယ်
လို့ သူကပြောပါတယ်။
တာမွေမြို့နယ်၊ ကျားကွက်သစ်ရပ်ကွက်၊ နိဂြောဓလမ်းမှာ ဒီဇင်ဘာ၂၃ ရက်ညပိုင်းက ဈေးပွဲတော် ကျင်းပနေစဉ် ပေါက်ကွဲမှု ဖြစ်ပွားခဲ့ပြီး အမျိုးသမီး တစ်ဦး ထိခိုက်ဒဏ်ရာ ရရှိခဲ့မှု ဖြစ်ပွားခဲ့ပါသေးတယ်။