မဲခေါင်၊ ဖေဖော်ဝါရီ ၂၂

ထိုင်းနိုင်ငံ နခွန်ပထုံခရိုင် ဘန်လင်းမြို့နယ်မှာ အမျိုးသားတစ်ဦး ​ရေထဲမှာ​မှောက်လျက်အ​နေထားနဲဲ့ ​သေဆုံး​နေတာ​တွေ့​တာကြောင့် ကယ်ဆယ်​ရေးအဖွဲ့နဲ့ ထိုင်းရဲ​​​တွေ အခင်းဖြစ်တဲ့​နေရာကို သွား​ရောက်ခဲ့တယ်လို့ ထိုင်း မီဒီယာတွေမှာဖော်ပြထားပါတယ်။

သေဆုံးနေတဲ့ ရုပ်အလောင်းကို ဖေဖော်ဝါရီ ၂၁ ရက်က တွေ့ရှိခဲ့တာဖြစ်ပါတယ်။

သေဆုံး​နေတဲ့ အမျိုးသားမှာ မြန်မာလုပ်သားတစ်ဦးဖြစ်ပြီး သေဆုံးတဲ့​နေရာနားမှာ မြန်မာမှတ်ပုံတင်နဲ့ အလုပ်သမားကတ်ကို​တွေ့ရှိခဲ့လို့ မြန်မာလုပ်သားဖြစ်​ကြောင်း အတည်​ပြောလို့ရတာပါလို့ ဘန်လင်းရဲအရာရှိတစ်ဦးက ဆိုပါတယ်။

မြန်မာလုပ်သားမှာ ကိုယ့်ကိုယ်ကိုအဆုံးစီရင်တာဖြစ်နိုင်တယ်လို့ သုံးသပ်ရပါတယ်။ ဘာ​ကြောင့်လဲဆို​တော့ ​သေဆုံး​သူရေးထားးတဲ့စာကိုလဲ​တွေ့တယ်လို့ ဘန်လင်းရဲအရာရှိက​ပြောပါတယ်။

သေဆုံးသူ​ရေးခဲ့သည့်စာမှာ ” ကျွန်တော် မြန်မာပါခင်ဗျ။ နေစရာနေရာလဲမရှိ စားစရာလဲ မရှိလို့ ထမင်းနဲနဲလောက် ကျွေးကြပါ။ ကျွန်တော် ထိုင်းစကားမတတ်လို့ သနားကြပါဗျ။ ထမင်းလေး ရေလေး ပေးသနားကြပါခင်ဗျ ” လို့ ထိုင်း လိုရေးသားထားတာ ဖြစ်ပါတယ်။

ထိုင်းစကားမတတ်သူဟာ ထိုင်းစာဘယ်လိုရေးသားထားတဲ့နဲ့ အမှန်တကယ် အဆုံးစီရင်မှု ဖြစ်တယ်ဆိုတာကိုတော့ သေချာအတည်မပြုနိုင်သေးပါဘူး။

MK-001

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)