မဲခေါင်၊ ဇူလိုင် ၂၁
စစ်ကိုင်းတိုင်း၊ ကနီနဲ့ ယင်းမာပင်မြို့နယ်မှာရှိတဲ့ စစ်တပ်တပ်စွဲထားတဲ့ အစိုးရဘဏ်ရုံး၊ ယင်းမာပင်တပ်ရင်း၂၈နဲ့ အောင်ဇေယျာကုန်း တို့ကို ရှော့တိုက်ဒုံး၊ လက်နက်ကြီးများနဲ့ ပစ်ခတ်တိုက်ခိုက်ခဲ့တယ်လို့ Fighter Brotherhood Guerrilla Army က သတင်းထုတ်ပြန်ပါတယ်။
ဇူလိုင်လ ၂၀ ရက် ညပိုင်းတွင် စစ်သားအင်အား ၁၀၀ ဝန်းကျင်နဲ့တပ်စွဲထား အစိုးရဘဏ်ရုံးကို တာဝေး ပစ်လက်နက်ကြီးများနဲ့ တိုက်ခိုက်ခဲ့ပြီးနောက် ဘဏ်နေရာရုံးရှေ့မှာ စောင့်နေတဲ့စစ်သား၊ ရဲများနဲ့ ပြည်သူ့ကာကွယ်ရေးတပ်ဖွဲ့တို့ကြား အပြန်အလှန်ပစ်ခတ် တိုက်ခိုက်ခဲ့ကြတယ်လို့ သိရပါတယ်။
အဆိုပါ တိုက်ခိုက်မှုကို ယင်းမာပင်-ဆားလင်းကြီး လက်နက်ကြီး မဟာမိတ်တပ်ပေါင်းစု အဖွဲ့ဝင်များ ဖြစ်ကြသောFighter Brotherhood Guerrilla Army၊ Salingyi Border Task Force (SBTF)၊ Eagle Defense Force(EDF) နဲ့ အခြားမဟာမိတ်များ ဖြစ်ကြသော ခရိုင်ရင်း ၃၀ DRPA ၊ Black Shadow (ရင်း ၃၀ ခွဲ ၄) တို့ ပူးပေါင်းကာ တိုက်ခိုက်ခဲ့ခြင်း ဖြစ်တယ်လို့ သတင်းထုတ်ပြန်ထားပါတယ်။
စစ်ကောင်စီတပ်ကလည်း စစ်ကိုင်းတိုင်း၊ ရွှေဘိုခရိုင်၊ ခင်ဦးမြို့နယ် အနောက် တောင်ခြမ်း အမှတ်(၂) တိုက်နယ်အတွင်းက ကျေးရွာ တွေကို အကြမ်းဖက်စစ်တပ်က လက်နက်ကြီးနဲ့ အကြောင်းမဲ့ ၅ ရက်ဆက်တိုက်ပစ်လို့ ဒေသခံ ၅ ဦးသေဆုံးခဲ့ရပြီး ၇ ဦးထိခိုက်ဒဏ်ရာရ တယ်လို့ ဒေသခံတွေက ပြောပါတယ်။
ရေဦးမြို့ တိုင်းရင်းဆေးရုံမှာ အခြေချတပ်စွဲနေတဲ့အကြမ်း ဖက်စစ်ကောင်စီတပ်သားတွေဟာ တိုက်ပွဲဖြစ်ပွားခြင်းမရှိဘဲ လက်နက်ကြီး တွေနဲ့ ဇူလိုင် (၁၆) ရက်နေ့က စတင်ပြီး ဇူလိုင် ၂၀ ရက် အထိရက်ဆက် အကြောင်းမဲ့ ရမ်းသမ်းပစ်ခတ်ခဲ့တာဖြစ်ပါတယ်။
MK 005
#MeKongNews
#ယင်းမာပင်
#ကနီ
#စစ်ကောင်စီ