မဲခေါင်၊ သြဂုတ် ၁၉
ရှမ်းပြည်တောင်ပိုင်း၊ အေးသာယာမြို့၊ ရွှေ တောင်တန်းပရဟိတ ဘုန်းတော်ကြီးပညာသင်ကျောင်းကို ဂျပန်နာမည်ကြီး ဖိုက်တာ တာကေရု လာရောက်၍ ကျောင်းဆောင်သစ်တစ်ဆောင်ဆောက်လုပ်လှူဒါန်းခဲ့ကြောင်း ဒေသခံများထံကသိရသည်။
ဩဂုတ် ၁၈ ရက်မှာ အေးသာယာမြို့၊ ရွှေတောင်တန်း ပရဟိတကျောင်းကို တာကေရု ရောက်လာခဲ့ပြီး ၎င်းလှူဒါန်းထားခဲ့သည့် ကျောင်းဆောင်သစ် ဖွင့်ပွဲကို တက်ရောက်ခဲ့တာဖြစ်ကြောင်းဒေသခံများက ပြောသည်။
“သူတာခဲရုဟာ ဘုန်းတော်ကြီးကျောင်းက ကျောင်းသားတွေနဲ့အတူ အမှတ်တရ ဓာတ်ပုံရိုက်ကူးခဲ့တယ်၊ ကျောင်းသားတွေကိုလည်း ကစ်ဘောက်ဆင်းထိုးတာကို သင်ကြားပြသခဲ့တယ်၊ အားလုံးပျော်ရွှင်ခဲ့ကြပါတယ်’ဟု အဆိုပါပွဲသို့ သိမြင်ခဲ့သူတစ်ဦးက ပြောသည်။
ဂျပန်ဖောင်ဒေးရှင်းအကူ အညီဖြင့် ကျောင်းဆောင်သစ်ကိုလှူဒါန်းခဲ့ခြင်းဖြစ်ပြီး အဆိုပါကျောင်းဆောင်သစ်ဖွင့်ပွဲကို ကိုယ်တိုင်လာရောက်ဖွင့်လှစ်ခဲ့ခြင်း ဖြစ်သည်။
တာကေရုဟာ ဂျပန်ကစ်ဘောက်ဆင်မှာ နာမည်ကြီးဖြစ်ပြီး ONE Championship မှာလည်း ၂၀၂၆ ခုနှစ်၊ ဧပြီလ ၂၉ရက်နေ့မှာ ရော့သန့်ကို ထိုးသတ် အနိုင်ယူပြီး ONE Interim Flyweight Kickboxing World Championship ဖြစ်ခဲ့သူဖြစ်ပြီး ယခုတွင် လက်ဝှေ့လောကမှ အနားယူထားပြီးဖြစ်ကြောင်း သိရသည်။
#MeKongNews
#တာခဲရု
#တောင်ကြီး
#အေးသာယာ
#စာသင်ကျောင်း
