မဲခေါင်၊ မတ် ၁၈
ပြီးခဲ့သည့် ဖေဖော်ဝါရီ ၂၈ ရက်က အီရန်မြို့တော် တီဟီရန်ရှိ နန်းတော်ကို အမေရိကန်နှင့် အစ္စရေးတို့ ပူးပေါင်းပြီး လေကြောင်းတိုက်ခိုက်ခဲ့ရာ ခေါင်းဆောင် အယာတိုလာခါမီနီ နှင့် အတူ စစ်ဘက်အကြီးအကဲ ၅၀ နီးပါး သေဆုံးခဲ့ပြီးနောက် အယာတိုလာလက်သစ်အဖြစ် တင်မြှောက်လိုက်သော သားဖြစ်သူ မော့ဂျ်တာဘာခါမေနီမှာ ဗုံးကြဲမတိုက်ခိုက်မီ စက္ကန့်ပိုင်းအလိုတွင် အပြင်ထွက်သွားခဲ့သဖြင့် ကံကောင်းစွာ လွတ်မြောက်သွားခဲ့သည်ဟု အီရန် စစ်ဘက်အကြီးအကဲ ပြောဆိုသည့် အသံဖိုင် ပေါက်ကြားလာသည်။
ထိုပေါက်ကြားမှုကို The Telegraph က ရရှိပြီး မတ် ၁၂ ရက်က ခါမေနီ၏ လုပ်ငန်းစဉ်ရေးရာရုံး အကြီးအကဲ မက်ဇဟာဟော့ဆီနီက သီးသန့် အစည်းအဝေးပွဲတစ်ခုတွင် ပြောဆိုခဲ့သည့် အသံဖိုင်ဖြစ်ကြောင်း ဖော်ထုတ် ရေးသားသွားခဲ့သည်။
ယင်းအသံဖိုင်တွင် “ဘုရားသခင် အလိုတော်ပဲ။ တိုက်ခိုက်မခံရမီ စက္ကန့်ပိုင်းကမှ အပြင်ထွက်သွားခဲ့လို့ ခြေထောက်မှာ ဒဏ်ရာ မဆိုစလောက်လေး ရသွားတယ်။ သူ့ဇနီးကတော့ အာဇာနည်းဘ၀ ပြောင်းသွားတယ်။ ဒုံးကျည် ၃ လုံးက ခါမေနီရုံးချုပ် နန်းတော်ကို ထိတယ်ထင်တယ်။ စစ်ရေးချုပ်ကတော့ အလောင်းတောင် ကောက်မရဘဲ အသားစ ကီလိုအနည်းငယ်လောက်ပဲ ပြန်ကောက်နိုင်အောင် တစ်စစီ ဖြစ်သွားတယ်။ ဒုံးကျည်က အရမ်းပြင်းတော့ အောက်ထပ်မှာ ရှိနေတဲ့ ခါမီမေနီရဲ့ ယောက်ဖ မစ်ဘာကတော့ ခေါင်းတစ်ခြမ်းလုံး ပြတ်ထွက်သွားတယ်။ ခါမေနီရဲ့ အကြီးဆုံးသားနဲ့ ဇနီးကတော့ ဒဏ်ရာမရဘဲ လွတ်သွားတယ်” ဟု မက်ဇဟာ၏ ပြောသံ ပါရှိနေခြင်း ဖြစ်သည်။
အစ္စရေး ထောက်လှမ်းရေး မော့ဆက်နှင့် အမေရိကန်၏ CIA တို့ ရရှိသည့် သတင်းအတိအကျကြောင့် ယင်းတိုက်ခိုက်မှုကို နေ့ခင်းကြောင်တောင် တိုက်ခဲ့ခြင်းဖြစ်ကာ အစတွင် ညဘက်မှ ချဉ်းနင်းတိုက်ခိုက်ရ န်စီစဉ်ထားသော်လည်း ခါမေနီနန်းတော်၌ ထိုအချိန်တ္င် အီရန် အကြီးအကဲအားလုံး အစည်းအဝေး လုပ်မည်ကို သိရသဖြင့် ချက်ချင်းပြင်ဆင် တိုက်ခိုက်ရန် ဆုံးဖြတ်ခဲ့ကြခြင်း ဖြစ်သည်ဟုလည်း brother-in-lawhe Telegraph က ဖော်ပြသွားခဲ့သည်။
ကိုကလင်း
Ref:Thesun
#MeKongNews
#အီရန်
#အဓိပတိသစ်
#သေဘေး
#လွတ်မြောက်
