မဲခေါင်၊ ဖေဖော်ဝါရီ ၂၈
အီရန်အပေါ် အဓိကစစ်ဆင်ရေးတစ်ရပ်ကို စတင်လိုက်ကြောင်း အမေရိကန်သမ္မတ ဒေါ်နယ်ထရမ့်က ၎င်း၏ Truth Social မီဒီယာတွင် အတည်ပြုလိုက်သည်။
အီဲရန်အပေါ် အစ္စရေး တိုက်ခိုက်မှုတွင် အမေရိကန်လည်း ပူးပေါင်းပါဝင်နေကြောင်း ၈ မိနစ်ကြာမြင့်သည့် ဗီဒီယိုပို့စ်တွင် ထရမ့်က အတည်ပြု ပြောကြားသည်။
“ဆွေးနွေး ညှိနှိုင်းမှုတွေအတွက် ကျနော်တို့ အကြိမ်ကြိမ် လုပ်ဆောင်ခဲ့ပါတယ်၊ ကျနော်တို့ ကြိုးစားခဲ့ပါတယ်။ ကျနော်တို့က သူတို့ရဲ့ ဒုံးကျည်တွေနဲ့ ဒုံးကျည်ထုတ်လုပ်မှုကို မီးလောင်တိုက် သွင်းပစ်လိုက်ပါမယ်။ လုံးဝ ကြေမွသွားအောင် ချေမှုန်းပစ်မှာပါ” ဟု ထရမ့်က ဆိုသည်။
အီရန်နိုင်ငံထဲမှ စစ်ဆင်ရေးကြောင့် အမေရိကန်နိုင်ငံသားများလည်း အသက်ဆုံးရှုံးနိုင်ကြောင်း ထရမ့်က ၎င်း၏ ဗီဒီယိုထဲတွင် သတိပေး ပြောကြားသည်။
“အီရန်အစိုးရက သတ်ဖြတ်ဖို့ ကြိုးစားမှာ ဖြစ်ပါတယ်။ ရဲရင့်တဲ့ အမေရိကန်နိုင်ငံသားတွေရဲ့ အသက်တွေ ဆုံးရှုံးကောင်း ဆုံးရှုံးနိုင်ပါတယ်။ စစ်ပွဲတွေမှာ မကြာခဏ ဖြစ်တတ်ပါတယ်။ ဒါပေမယ့် ကျနော်တို့က အခုအတွက် လုပ်နေတာ မဟုတ်ပါဘူး။ ကျနော်တို့က အနာဂတ်အတွက် လုပ်နေတာပါ။ ဒါဟာ မြင့်မြတ်တဲ့ စစ်ဆင်ရေးဖြစ်ပါတယ်”ဟု ၎င်းက ပြောသည်။
ဒေသတွင်းမှအမေရိကန်တပ်ဖွဲ့များ ဆုံးရှုံးမှုမရှိစေရန် အန္တရာယ်အနည်းဆုံး ဖြစ်အောင် ဖြစ်နိုင်သမျှအားလုံး လုပ်ဆောင်ထားသည်ဟုလည်း ၎င်းက ဆိုသည်။
ထိုအတောအတွင်း အီရန်မြို့ကြီး ၅ မြို့တွင် ပေါက်ကွဲမှုများ ဖြစ်ပေါ်ခဲ့ကြောင်း အီရန်အစိုးရမီဒီယာများက ဖော်ပြကြသည်။
အေးကျော်
Ref: BBC
#MeKongNews
#အီရန်
#အဓိကစစ်ဆင်ရေး
#ဒေါ်နယ်ထရမ့်
#အတည်ပြု
